To'lqin uzunligi bo'yicha zichlashtirish, WDM texnologiyasi

Toshkent muhammad al-xorazmiy nomidagi Toshkent axborot texnologiyalari universiteti QARSHI FILIALI Optik aloqa tizimlari 1-mavzu: O'zbekiston Respublikasida optik aloqa tizimlari va tarmoqlarining holati va rivojlanish istiqbollari. Optik aloqa tizimlari va tarmoqlari, ularda qo'llaniladigan texnologiyalar. To'lqin uzunligi bo'yicha zichlashtirish, WDM texnologiyasi - optik tolaning o'tkazish qobilyatini oshirishning samarali usullari Reja: Kirish. Asosiy qism: O'zbekiston Respublikasida optik aloqa tizimlari va tarmoqlarining holati va rivojlanish istiqbollari. Optik aloqa tizimlari va tarmoqlari, ularda qo'llaniladigan texnologiyalar. To'lqin uzunligi bo'yicha zichlashtirish. WDM texnologiyasi - optik tolaning o'tkazish qobilyatini oshirishning samarali usullari. Xulosa. Foydalanilgan adabiyotlar. Kirish. Zamonaviy xizmatlarni hayotga kirib kelishi bilan telekommunikatsiya tarmoqlariga talab ortib bormoqda. Yuqori tezlikdagi signallarni uzatish va qabul qilib olish uchun yuqori darajada o'tkazish qobiliyatiga ega bo'lgan yo'naltiruvchi muhit bo'lishi kerak. Bunday talablarga optik aloqa vositalariga teng keluvchi vositalar hozirgi kunda mavjud emas. 1882 yil amerikalik olim Alyeksandr Grehem Bell tomonidan ovozli axborotni yorug'lik nuri ko'rinishida uzatish imkonini beruvchi optik telefon ishlab chiqildi. U fokuslantirilgan quyosh nurini qo'llab, Vashingtonda ikki bino tomi o'rtasida ovozni nur orqali atmosfera bo'ylab 200 metr masofaga uzatdi. 60-yillar boshida birinchi lazer yaratildi. 70-yillarda kvars shisha materialidan olingan tola nurni yutuvchi qo'shimchalarni olib tashlash yo'li bilan so'nish qiymatlari 0,2 dBkm gacha kamaytirildi. Hozirgi kunda nafaqat so'nish qiymatlari, balki to'lqin uzunligi bo'yicha zichlashtirilgan tizimlarni bir necha to'lqin uzunliklarini bitta tola orqali bir vaqtda uzatish imkonini beradi. Hozirgi vaqtda dunyoning barcha taraqqiy etgan mamlakatlarida optik aloqa tizimlarini takomillashtirish bo'yicha keng ko'lamli ishlar olib borilmoqda. Jumladan, bizning Respublikamizda ham ana shunday tizimning Osiyo va Yevropamamlakatlarini bog'lovchi uzunligi 998 km milliy TOE magistralini o'tkazish va ishga tushirishga muvaffaq bo'lindi. Toshkent shahrini viloyat markazlari bilan, viloyat markazlarini tuman markazlari bilan halqa topologiyasi bo'yicha optik tarmoqlar yordamida bog'lashga erishildi. Tolali optik tizimlarni shahar va qishloq tarmoqlarida, lokal va abonentlik tarmoqlarida, shuningdek, xalq xo'jaligining temir yo'l, neft-gaz, energetik va boshqa sohalarida qo'llash bo'yicha amaliy ishlar olib borilmoqda. O'zbekiston Respublikasida optik aloqa tizimlari va tarmoqlarining holati va rivojlanish istiqbollari. Zamonaviy davr jamiyatni axborotlashtirish jarayonini keskin rivojlanishga olib kelmoqda. Bu jarayon axborot-kommunikatsiyalar xizmatlaridan foydalanuvchilarni telekommunikatsiyalar tarmoqlariga yuqori tezlik bilan (keng polosali) ulanishga undaydi. Bunday talab Internetdan foydalanuvchilarning keskin o'sib borishi va multimediya, videokonferensiya, elektr raqamli imzodan foydalanish, elektron tijorat, elektron hujjat aylanish va boshqa bir qancha zamonaviy xizmatlarni hayotga kirib kelishidan chiqib kelyapti. Ma'lumki, axborot oqimini uzatish hajmi, tezligi va sifatini oshirish, axborot qabul qilish uchun yuqori darajadagi o'tkazuvchanlikka ega bo'lgan yo'naltiruvchi muhit bo'lishi kerak. Yuqorida ta'kidlab o'tilgan talablarga mos keluvchi optik aloqa vositalari bilan raqobatlashuvchi vositalar ...