Keyingi avlod konvergent tarmoqlari texnologiyalari

Keyingi avlodning konvergent tarmoqlarida turli texnologiyalarning ishlash tamoyili, kamchilik va afzalliklari Reja: 1.Keyingi avlod konvergent tarmoqlari texnologiyalari 2.Abonent kirish pog'onasi 3.Transport pog'onasi 4.SDH texnologiyasi Foydalanilgan adabiyot KEYINGI AVLOD KONVERGENT TARMOQLARI TEXNOLOGIYALARI NGN tarmog'ining transport pog'onasi berilgan xizmat ko'rsatish sifati (QoS)ni ta'minlovchi, turli xildagi ma'lumotlarni paket ko'rinishida uzatish uchun to'liq bog'langan infrastruktura yaratishni ta'minlaydi. An'anaviy tarmoqlarda qabul qilingan, abonentlar orasidagi bog'lanish nuqta-nuqta tamoyiliga asosan quriladigan kanal yondashuvi o'rniga, NGNda oxirgi foydalanuvchiga xizmatlarni IP protokoli orqali yetkazib berishni amalga oshiruvchi virtual tarmoqlar g'oyasiga o'tish amalga oshiriladi. Transport pog'onasi foydalanuvchining turli xildagi axborotini (tovush, video, ma'lumotlar) tiniq uzatilishiga javob beradi. Bunda manba va belgilangan nuqta orasida axborot almashinuvi ulanish turi (telefon chaqirg'i, Internet tarmog'ida ish seansi, videoni uzatish, bir qancha o'yinchilar ishtirokidagi tarmoqli o'yin yoki film translyasiyasi)ga bog'liq bo'lmagan holda shunday tamoyil bo'yicha amalga oshiriladi. Axborotni uzatishda transport texnologiyasi sifatida vaqt bo'yicha ajratishli (TDM), multipleksorlash, uzatishning asinxron rejimi (ATM) yoki Internet-protokoli (IP) ishlatilishi mumkin. Biroq, paketli kommutatsiyaga xos bo'lgan o'tkazish polasasini ishlatishdagi samaradorlik nuqtai nazaridan, yangi avlod tarmoqlarida, asosan, ATM va IPMPLS kabi paketli texnologiyalar ishlatiladi. NGN transport tarmog'ini o'zi bir qancha tarmoq uzellarini (TU) birlashtirgan zvenolar (ikki taraflama ma'lumot almashish traktlari) majmui sifatida ifodalanishi mumkin. NGN transport tarmoqlarining topologiyasi ierarxiya darajasiga bog'liq holda ajratiladi. Halqa, to'liq bog'langan, daraxtsimon, yulduzsimon topologiyalar va ularning kombinatsiyalari ishlatilishi mumkin. Halqa topologiyasi - sinxron raqamli ierarxiya (SDH) qurilmasi ishlatilganida mavjud regionlararo, regional va shahar transport tarmoqlari uchun asosiy tuzilmadir. SDH ning asosiy tamoyili tovushli trafikni o'tkazishdagi samaradorlikni oshirish uchun ishlab chiqilgan edi. Bunda NGN tarmog'idagi uch turdagi axborot (tovush, ma'lumot va video) ni uzatish zaruriyatidagi trafik tabiati o'zgarishi inobatga olinmagan. Tabiiyki transport tarmog'ida NGN tarmog'i operatori uchun hech bo'lmaganida bitta tizimni yaratish va ishlatish foydaliroqdir. Barcha turdagi xizmatlarni taqdim etishga asoslangan NGN ning umumiy transport tarmog'iga SDH texnologiyasi maqbul yechim hisoblanmaydi. 3.1. Abonent kirish pog'onasi qurilmalari Hozirgi kunda telekommunikatsiya xizmatlarining (ISDN, K-XIRT, talab bo'yicha video va h.) shiddat bilan rivojlanishi bilan aloqada AFT tarmoqlarida yuzaga kelgan bunday servisni qo'llab-quvvatlashi zarurdir. «Transport tarmoqlari»da va abonent kirish pog'onasida kommunikatsiya uskunasining topologiyalari va turlarini takomillashtirish va integratsiyalash abonent kirish pog'onasi va transport tarmoqlarining tuzilish prinsiplari o'xshashligi to'g'risida gapirish imkonini beradi. AFT tarmoqlarida optik-tolali kabellarni qo'llash uzatish tizimi kabi, kommutatsiya-multipleksorlash uskunasi ham tarmoqning katta resurslarini talab qiluvchi barcha xizmatlarini qo'llab-quvvatlash imkonini beradi. Xizmatlarni qo'llab-quvvatlaydigan tarmoqlar tuzilishi uchun xarajatlarni hisoblashda asosiy mezonlaridan biri bo'lib amaldagi tarmoqlardan maksimal foydalanish hisoblanadi. Hozirgi vaqtda mamlakatning ko'pgina abonent kirish tarmoqlari simmetrik mis kabellaridan foydalangan holda tuzilgan ...