Optik aloqa tizimlari. Asosiy ta'rif va tushunchalar

Optik aloqa tizimlari. Asosiy ta'rif va tushunchalar. Reja: 1.Asosiy ta'rif va tushunchalar. Optik aloqa tizimlarining tuzilish prinsiplari. Ochiq optik aloqa (OOA) tizimlari va tolali optik aloqa (TOA) tizimlari. 2.Tolali optik aloqa tizimlarining tuzilishi, ish prinsipi. 3.Tolali optik aloqa tizimlari: plezioxron iyerarxiyaning aloqa tizimlari, sinxron raqamli iyerarxiyaning optik aloqa tizimlari. 1. Asosiy ta'rif va tushunchalar. Optik aloqa tizimlarining tuzilish prinsiplari. Ochiq optik aloqa (OOA) tizimlari va tolali optik aloqa (TOA) tizimlari Optik aloqa (OA) bu axborot yorug'lik nuri kо'rinishida optik tola bо'ylab yoki ochiq fazo atmosferada uzatiladigan aloqadir. Optik tо'lqin va signallar yordamida axborotlarni ma'lum masofalarga uzatishga mо'ljallangan, boshqacha qilib aytganda optik signallarni shakllantirishni, qayta ishlashni, uzatishni ta'minlovchi optik qurilmalar va optik uzatish liniyasi yig'indisiga optik aloqa tizimi (OAT) deb ataladi. Axborot tolali optik uzatish muxiti orqali uzatilsa, tolali optik aloqa (TOA) tizimi, ochiq atmosferada uzatilsa, ochiq optik aloqa (OOA) tizimi deyiladi. Istalgan aloqa tizimining asosiy vazifasi axborotlarni bir punktdan boshqasiga uzatish hisoblanadi. Odatda axborotlarni uzatish mos keluvchi axborot signallari bilan modulyatsiyalangan elektromagnit tebranishlar yordamida amalga oshiriladi. Sо'ng modulyatsiyalangan signal uzatish muhitida tarqaladi va qabul qiluvchi qurilmaga tushadi. Qabul qilgichda signal demodulyatsiyalanadi va axborotlar ajratib olinadi. Aloqa tizimlari kо'pincha elektromagnit tebranishlar, tashuvchi chastota signallari egallagan diapazon bilan tasniflanadi (1.1-rasm). Spektral diapazonga mos xolda radiodiapazon, о'ta yuqori chastota, millimetrli va optik diapazon tizimlari farqlanadi. Optik aloqa tizimlarida tashuvchi chastota tebranishlari spektrning optik diapazonini egallaydi. Optik diapazon 5 TGs (100 mm) dan boshlanib, unga infraqizil, kо'rinuvchi va ultrabinafsha diapazonlar kiradi. Infraqizil diapazon 3*1012 dan 4*1014 Gs doirasida joylashib, 100-0,75 mkm tо'lqin uzunligiga mos keladi. Kо'rinuvchi spektr 4*1014 dan 0,75*1015 Gs (0,75-0,4 mkm) sohani egallaydi. Demak inson kо'zi 0,4-0,75 mkm spektrdagi nurlarga sezgir. Quyosh spektri 0,3 dan 1,5 mkm diapazonda joylashadi. 1.1- rasm. Elektromagnit tо'lqinlar spektri Tashuvchi chastotaning oshishi aloqa tizimining о'tkazish polosasini oshiradi. OOA tizimlarida nurlanish manbalari elektromagnit tо'lqinlarni ochiq fazoga nurlantiradi, bunda nurlanishni tarqalish yо'nalishi faqatgina antennaning yо'nalish diagrammasi bilan aniqlanadi. OOA tizimlarining uzatuvchi muhiti о'z navbatida uch turga bо'linadi: atmosfera, kosmik va suv osti aloqa muhitlari. Atmosfera OOA tizimlarida tо'lqinlarni tarqalish xarakteristikasi yetarli darajada ob-havo sharoitlariga bog'liq. Atmosfera va suv osti uzatish muhitlarining fizik bir turda emasligi va ularning tarkibidagi begona zarrachalarni uzatilayotgan nurlanish tо'lqini bilan о'zaro ta'sirda bо'lishidan elektromagnit tо'lqinlar buziladi. Zarracha о'lchamlarining tо'lqin uzunligi bilan taqqoslanadigan darajada yoki katta bо'lishi buzilishlarni oshiradi. Shu sababli atmosfera buzilishlari optik diapazonda turli xarakterga ega. Shu tarzda uzatish muhitlarini taxlil qilish, aloqa tizimlarini loyixalashtirishda yuzaga keladigan eng muhim masala xisoblanadi. Tо'lqinlarni tarqalish yо'nalishiga ...