Informatika va axborot texnologiyalari fanidan ma'ruzalar matni [info-referat]

O'zbekiston RespublikaSI OLIY VA O'RTA MAXSUS TA'LIM VAZIRLIGI NAVOIY VILOYAT O'RTA KASB-HUNAR TA'LIMI BOSHQARMASI Navoiy Arxitektura va qurilish kolleji «INFORMATIKA VA AXBOROT TEXNOLOGIYALARI» fanidan MA'RUZA MATNLAR TO'PLAMI Tuzuvchilar: Sh. Abdiyeva Navoiy - 2016 Ushbu ma'ruza matnlari namunaviy dastur asosida tuzilgan bo'lib, kollejning barcha birinchi kurs yo'nalishlaridagi talabalari uchun o'qitiladigan «Informatika va axborot texnologiyasi» fani bo'yicha bo'lajak fan o'qituvchisi egallashi kerak bo'lgan quyidagi bilim va ko'nikmalarni o'z ichiga oladi: Axborot, uning turlari va ko'rinishlari, axborotni saqlash, uzatish, qabul qilish va unga ishlov berish, EHMning arxitekturasi va ishlash prinsiplari, mikroprosesorlarning tuzilishi va ishlash prinsiplari, dasturiy ta'minot, fayllar bilan ishlash, MS Windows operatsion tizimi, MS Office amaliy dasturlar to'plami, zamonaviy axborot texnologiyalari, shaxsning ta'lim-tarbiyasi va rivojlanishida zamonaviy axborot texnologiyalarining roli, pedagogik dasturiy vositalar, matn va grafik axborotlarni tayyorlash va ularga ishlov berish texnologiyasi, multimediya texnologiyasi, tarmoq texnologiyalari, masofaviy ta'lim va boshqa ko'pgina foydalanuvchilar bilishi kerak bo'lgan asosiy mavzularni o'z ichiga olgan. Tuzuvchilar: Sh. Abdiyeva Taqrizchilar: k.o'q. T.U. O'tapov Ushbu ma'ruza matni Aniq va tabiiy fanlar kafedrasining «» 200 yil -sonli yig'lishida ko'rib chiqilgan va uslubiy kengashga tavsiya etildi. Ushbu ma'ruza matni uslubiy kengashning «»200 yil -sonli yig'lishida ko'rib chiqilgan va o'quv jarayoniga tavsiya etildi. I- BOB 1-§. AXBOROT HAQIDA TUSHUNCHA Reja: Axborot haqida ma'lumot Jamiyatni axborotlashtirish haqida ma'lumot Informatika fani haqida ma'lumot Asrlar davomida insonning faoliyati tabiatdagi o'simliklar, hayvonlar, quyosh energiyasi kabi tayyor mahsulotlarni o'zlashtirish bilan bog'liq bo'lib kelgan. Lekin vaqt o'tishi bilan inson faqat tayyor mahsulotlarni olishni o'rganibgina qolmasdan, tabiatga ta'sir qilishni ham o'rganib oldi. Insonlar yerga ishlov bera boshladilar, turli hayvonlarni qo'lga o'rgatib, ko'paytira boshladilar, zavod va fabrikalar, gidroelektrostantsiyalar, temir yo'llar va kosmik trassalar qura boshladilar. Buning natijasida bir paytlar o'rmonlar va dengizlar bilan qoplangan ona zaminimiz bo'lgan yerda yangilanishlar paydo bo'ldi. Uning nomini akademik V. I. Vernadskiy noosfera deb atadi. Noosferani yaratish bilan birgalikda inson materiya turlari va xossalaridan foydalandi. Lekin bu jarayonning turli bosqichlarida materiyaning har bir kategoriyasi bir xilda o'zlashtirilmadi. Boshlang'ich paytda moddani o'zlashtirishga e'tibor ko'proq qaratilgan bo'lsa, keyinchalik energiyani o'zlashtirishga va nixoyat, axborotni o'zlashtirishga imtiyoz berildi. Fanda, ya'ni tabiatni o'rganish, u to'g'risidagi bilimlarni to'plash va o'rganishda shunday davrlar borligi ma'lumki, ular materiyaning ma'lum bir turining rivojlanishi bilan bog'liqdir. Shu sababli noosferaning uchta tashkil etuvchilarini ajratib ko'rsatish mumkin bo'ladi. Bular: Shtexnosfera, Shergosfera, Shinfosfera. Texnosferaning paydo bo'lishi moddani o'rganish va undan foydalanish bilan, ergosferaning paydo bo'lishi energiyani o'rganish bilan bog'liq bo'lsa, infosferaning paydo bo'lishi axborotni o'rganish va uni ishlatish bilan bog'liqdir. Texnosfera va ergosferani o'rganish ximiya, fizika, matematika ...