Kompyuter tarmoqlari (Ma'ruzalar matni) [info-referat]

O'ZBEKISTON RESPUBLIKASI OLIY VA O'RTA MAXSUS TA'LIM VAZIRLIGI O'RTA MAXSUS, KASB-HUNAR TA'LIMI MARKAZI NAVOIY VILOYAT O'RTA MAXSUS KASB - HUNAR TA'LIMI BOSHQARMASI Navoiy pedagogika va xizmat-ko'rsatish kolleji «Ani fanlar» kafedrasi «KOMPYUTER (APPARAT) TARMOQLARI» FANIDAN MA'RUZALAR MATNI Navoiy-2017 yil Ushbu ma'ruza matni kollej o'quvchilari uchun mo'ljallangan. Ma'ruza matnida «Kompyuter (apparat) tarmoqlari» fanining tarmoq arxitekturasi, tarmoq modeli, tarmoq protokollari, ma'lumot uzatishni fizik muhiti, ma'lumotni uzatish usullari, internet - global tarmoq misoli bo'limlarining mavzulari yoritib berilgan. Har bir mavzu uchun tayanch iboralar va o'quvchi o'zini tekshiruvi uchun nazorat savollari berilgan. Tuzuvchi(lar): M. Sh. Qurbonova Navoiy pedagogika va xizmat ko'rsatish kasb-hunar kolleji informatika fanidan oliy ma'lumotli o'qituvchisi. Taqrizchilar(lar): F. D. Xodjaboyev - Navoiy davlat pedagogika instituti «Informatika va o'qitish metodikasi» kafedrasi o'qituvchisi: Z. X.Xojiyeva- Navoiy pedagogika va xizmat ko'rsatish kasb-hunar kolleji informatika fani katta o'qituvchisi. Ma'ruza matni Navoiy pedagogika va xizmat-ko'rsatish kollejining «Aniq fanlar» kafedrasi 2017 yil «» dagi sonli yig'ilishida ko'rib chiqildi va tasdiqlash uchun tavsiya etildi. Mazkur ma'ruza matni Navoiy pedagogika va xizmat-ko'rsatish kollejining 2017 yil «» dagi sonli uslubiy kengashida ko'rib chiqildi va tasdiqlandi. Kirish Kompyuter, bu - ma'lumotlarni yaratish, saqlash, ishlov berishni avtomatlashtirish va ularni transportirovka qilishga mo'ljallangan elektron qurilma hisoblanadi. Zamonaviy kompyuterlar haqida gapirilganda har doim «Shaxsiy (personal) kompyuterlar» iborasini ishlatamiz. Lekin bir necha yildan buyon kompyuterlarni birlashtirish, fayllar va turli xarakterdagi xabarlar, ma'lumotlar almashish imkoniyatini yaratish borasida ko'plab tadqiqotlar olib borildi. Dastlab kompyuterlarni juft-juft qilib birlashtirishga erishildi, ko'p o'tmay bir nechta kompyuterlarni birlashtirish uchun texnik qurilma va dasturiy ta'minot yaratildi. Tarmoq - kompyutеrlar, tеrminallar va boshqa qurilmalarning ma'lumot almashishni ta'minlaydigan aloqa kanallari bilan o'zaro bog'langan majmui. Kompyutеrlar aro ma'lumotlarni almashishni ta'minlab bеruvchi bunday tarmoqlar kompyutеr tarmoqlari dеb ataladi. Tarmoq orqali axborotlarni uzoq masofalarga uzatish imkoniyati vujudga kеldi. Tarmoq axborotlarni uzatish, alohida foydalanilayotgan kompyutеrlarni birgalikda ishlashini tashkil qilish, bitta masalani bir nеchta kompyutеr yordamida yеchish imkoniyatlarini bеradi. Bundan tashqari har bir kompyutеrni ma'lum bir vazifani bajarishga ixtisoslashtirish va kompyutеrlarning rеsurslaridan (ma'lumotlari, xotirasi) birgalikda foydalanish, hamda butun dunyo kompyutеrlarini o'zida birlashtirgan Intеrnеt tarmog'iga bog'lanish mumkin. Ayni vaqtda bir qancha tashkilotlarda kompyuterlar yagona mahalliy yoki lokal tarmoqlariga ega. Bundan tashqari ular global tarmoqqa ega, ya'ni bir vaqtda individual foydalanuvchilar ham, bir guruh foydalanuvchilar ham tarmoqqa kirib ma'lumot almashish imkoniyatiga ega. Yuqori darajadagi shunday tarmoqlar mavjudki, unga lokal tarmoqdagi kompyuterlar emas, balki global tarmoqdagi kompyuterlar ulangan, u Internet deb yuritiladi. Internet so'zining ma'nosi Inter - «xalqaro», net - «tarmoq» ma'nosini anglatadi. Hozirgi vaqtda kundalik hayotda ko'pchilik internet, global kompyuter tarmog'i ...