Loyihalash jarayonlarini avtomatlashtirish asoslari [info-referat]

UDK 681.3 Loyihalash jarayonlarini avtomatlashtirish asoslari: «Muhandislik va muhandislik ishi» sohasi ta'lim yo'nalishlari talabalari uchun ma'ruzalar matni. ToshDTU; B.R. To'laev; Toshkent, 2004. «Loyihalash jarayonlarini avtomatlashtirish asoslari» o'quv fanidan ma'ruzalar matnida ALTni yaratish printsiplari, uning tarkibi va strukturasi, ALT ta'minoti turlarining komponentlari, ALT klassifikatsiyasi, loyihalash jarayonlarini formallashtirish, avtomatlashtirilgan loyihalashni ta'minlash masalalari ko'rilgan. Avtomatlashtirilgan loyihalash tizimining texnikaviy vositalariga alohida e'tibor berilgan. Oliy texnikaviy o'quv yurtlarining «Muhandislik va muhandislik ishi» sohasi ta'lim yo'nalishlari talabalari uchun mo'ljallangan. «Ichki yonuv dvigatellari» kafedrasi. Abu Rayhon Beruniy nomidagi Toshkent davlat texnika universiteti ilmiy-uslubiy kengashi qaroriga muvofiq nashr qilindi. Taqrizchilar: prof. Abralov M.A. (ToshDTU). dots. Norcho'jaev F.R. (ToshDTU). © Toshkent davlat texnika universiteti, 2004. 1 - Ma'ruza. Mavzu: ALTni yaratish printsiplari, tarkibi va strukturasi Ma'ruza rejasi: 1. ALTni yaratish printsiplari. 1.1. Texnikaviy ob'yektni loyihalash 1.2. ALT - inson-mashina tizimidir 1.3. ALT - ierarxik tizim 1.4. ALT - ochiq va rivojlanuvchi tizimdir 1.5. ALT - unifikatsiyalashgan modullar maksimal foydalaniladigan ixtisoslashgan tizimdir 2. ALT tarkibi va strukturasi. 2.1. Loyihalovchi nimtizimlar 2.2. Nimtizimga xizmat ko'rsatish (boshqarish) 2.3. ALT vositalari kompleksi va komponentlarining turlari Tayanch so'zlar va iboralar Loyihalash, loyihalashni avtomatlashtirish, avtomatlashtirilgan loyihalash tizimi, vositalar kompleksi, informatsion-qidiruv tizimi, ma'lumotlar bazasini boshqarish tizimi. 1.1. ALTni yaratish printsiplari Texnikaviy ob'yektni loyihalash ushbu ob'yekt obrazini qabul qilingan forma (shakl)da yaratish, qayta o'zgartirish va tasvirlab berish bilan bog'liq. Ob'yekt yoki uning tarkibiy qismining obrazi inson tasavvurida ijodiy jarayon natijasida yaratilishi yoki inson va EHMlarning o'zaro ta'siri jarayonida ba'zi algoritmlar bo'yicha yuzaga kelishi (генерироваться) mumkin. Loyihalash - loyihalash uchun topshiriq bo'lgan holda bajariladi. Topshiriq jamiyatning qandaydir texnikaviy buyumni olishga bo'lgan ehtiyojini aks ettiradi. Bu topshiriq u yoki bu hujjatlar ko'rinishida bo'ladi va ob'yektning birlamchi bayoni vazifasini bajaradi. Loyihalash natijasini, odatda, ob'yektni berilgan sharoitlarda tayyorlash uchun etarli ma'lumotlarni jamlagan hujjatlarning to'liq komplekti o'taydi. Bu hujjatlar ob'yektning natijaviy bayoni bo'ladi. Loyihaviy yechimlarning hammasi yoki bir qismi inson va EHMlarning o'zaro ta'siri y o'li bilan olinadigan loyihalash avtomatlashtirilgan deb, EHMdan foydalanilmaydigan loyihalash esa, avtomatlashtirilmagan loyihalash deb ataladi. Loyihalash - bu ob'yektning birlamchi bayoni va (yoki) uni mavjud qiladigan algoritm asosida berilgan sharoitda ham mavjud bo'lmagan ob'yektni yaratish uchun zarur bo'lgan bayonini tuzish jarayonidir. Loyihalash berilgan talablarga javob beradigan, yangi buyumni yaratish yoki yangi jarayonni amalga oshirish uchun zarur va yetarli bo'lgan loyihalanadigan predmet bayonini olish maqsadidagi izlanish, tadqiqot, hisob va konstruktsiyalash bo'yicha ishlar majmuini o'z ichiga oladi. Loyihalash - bu chuqur ilmiy bilimlarga va ijodiy izlanishlarga hamda ma'lum sohada to'plangan tajriba va ko'nikmalardan foydalanishga asoslangan, lekin sermashaqqat oddiy ishlarni ...