Moliya tizimi moliya mexanizmi va moliyaviy siyosat

2-mavzu: Moliya tizimi, moliya mexanizmi va moliyaviy siyosat Moliya tizimi va uning tarkibi. Umumdavlat moliyasi. Xo'jalik subyektlari moliyasi. Moliya tizimi o'zaro bog'liq va o'zaro ta'sir ko'rsatadigan kategoriyalar, bo'g'inlar va sferalar ko'rinishida namoyon bo'ladigan moliyaviy munosabatlar to'plamidan iborat bo'lib, korxonalar, uy xo'jaliklari va davlatning pul fondlarini taqsimlaydi va ishlatadi. Moliya tizimining tarkibi Umumdavlat moliyasi - moliya tizimining muhim qismi hisoblanadi. Umumdavlat moliyasi milliy iqtisodiyotning barcha tarmoqlarini malum suratlar bilan rivojlantirishda; moliyaviy resurslarni iqtisodiyot tarmoqlari va mamlakat mintaqalari, ishlab chiqarish va noishlab chiqarish sohalari, mulkchilik shakllari, aholining alohida guruhlari va qatlamlari o'rtasida qayta taqsimlashda yetakchi rol o'ynaydi. Xo'jalik subyektlari moliyasi - moliya tizimining asosini tashkil etib, aynan shu yerda mamlakat moliyaviy resurslarining katta qismi moddiy ishlab chiqarish sohasida barpo bo'ladi. Ular korxonalar moliyasi va uy xo'jaliklari moliyasidan iborat. Korxonalar moliyasi moliya tizimining bo'g'ini sifatida mamlakatning barcha pul fondlari - milliy daromadning moddiy manbaasini yaratishda ishtirok etadi. Mamlakatning umumiy moliyaviy ahvoli, shuningdek, iqtisodiyot tarmoqlarining yuqori suratlar bilan rivojlanishi tijorat korxonalarining moliyaviy ahvoliga bog'liq. Uy xo'jaliklari moliyasi - bu moliya tizimining alohida bo'g'ini bo'lib, uy xo'jaliklarining alohida a'zolari tomonidan o'z faoliyatlari jarayonida hayotiy ehtiyojlarini ta'minlash maqsadida pul mablag'lari fondlarini yaratish, taqsimlash va ishlatishga doir iqtisodiy munosabatlar. ...