Qishloq xo'jaligi iqtisodiyoti va menejmenti

Qishloq xo'jaligi iqtisodiyoti va menejmenti fanining predmeti, obyekti va vazifalari. Iqtisodiyotni modernizatsiya qilish sharoitida qishloq xo'jaligining o'rni va ahamiyati. 1. Qishloq xo'jaligining Respublika iqtisodiyotidagi o'rni va ahamiyati 2. Agrar islohotlarning ustuvor yo'nalishlari 3. «Qishloq xo'jaligi iqtisodiyoti va menejmenti» fanining predmeti hamda vazifalari 3. «Qishloq xo'jaligi iqtisodiyoti va menejmenti» fanining predmetini (maqsadi) tadqiqot qilish, o'rganish usullari 4. «Qishloq xo'jalik iqtisodi va menejmenti» fanining boshqa fanlar bilan bog'liqligi «Qishloq xo'jaligi iqtisodiyoti va menejmenti» quyidagi aralash fanlarning o'rgatish uslubiyotlaridan foydalanadi: 1. Agrobiznesni tashkil qilish va rejalashtirish; 2. Iqtisodiy geografiya; 3. Qishloq xo'jaligi statistikasi; 4. Buxgalteriya hisobi; 5. Iqtisodiy kibernetika; 6. Qishloq xo'jaligi korxonalari faoliyatining tahlili; 7. Qishloq xo'jaligi tarmoqlari texnologiyasini iqtisodiy baholash va boshqalar. Qishloq xo'jaligida butun xalq xo'jalik tarmoqlari singari quyidagi qonunlar tizimi harakat qiladi: 1. Kengaytirilgan takror ishlab chiqarish; 2. Jamg'arish; 3. Qiymat, talab va taklif qonunlari; 4. Mehnat unumdorligining o'sib borishi va boshqalar. Qishloq xo'jaligining hayotiy muhimligi quyidagilarda aniqlanadi: Birinchidan, u aholini oziq-ovqat bilan ta'minlaydi, usiz kishilarning ma'naviy hayoti va moddiy ishlab chiqarish amalga oshmaydi. Ikkinchidan, qishloq xo'jaligi yengil va oziq-ovqat sanoati uchun xom ashyoning asosiy massasini beradi, yani u tarmoqlari mahsuloti ham bevosita aholi ehtiyojlarini qondirish uchun foydalaniladi. Uchinchidan, qishloq xo'jaligi ishlab chiqarishi mamlakat og'ir sanoatining rivojlanish suratiga va darajasiga samarali ta'sir ko'rsatadi. To'rtinchidan, qishloq xo'jalik mehnat resurslarini safarbar qilish sferasi sifatida katta ahamiyatga ega. Beshinchidan, qishloq xo'jaligining mamlakat iqtisodiyotidagi roli yana shu bilan aniqlanadiki, u umumxalq masalalarini hal qilish uchun zarur bo'lgan jamg'arishning muhim manbai hisoblanadi. «Qishloq xo'jaligi iqtisodiyoti va menejmenti» fanining predmeti (maqsadi)ni hal etish uchun quyidagi asosiy vazifalar yechimining nazariy, uslubiy asoslarini o'rgatish lozim: qishloq xo'jaligining bosqichma-bosqich rivojlanishini, uning Respublika iqtisodiyotidagi o'rni, ahamiyati hamda o'zgarish qonuniyatlarini aniqlashni; tarmoqqa davlat rahbarligini, unda amalga oshirilayotgan agrar-iqtisodiy islohotlar mazmuni va mohiyatining holatini, ularni rivojlantirish yo'llarini, masalalarini ko'rsatish; qishloq xo'jaligida faoliyat ko'rsatayotgan tadbirkorlik turlari, ularning faoliyatiga baho berish va takomillashtirish yo'llari; tarmoqning cheklangan yer-suv, mehnat resurslari, investitsiyalar va ulardan tadbirkorlik bilan samarali foydalanish darajasiga iqtisodiy baho berish tartibini o'rganish, ularni takomillashtirish va rivojlantirish yo'llarini asoslab berish; qishloq xo'jaligida amalga oshirilayotgan doimiy va o'zgaruvchan, o'rtacha xarajatlarni, ularning tarkibi va kamaytirish yo'llarini, etishtirilgan mahsulotning hajmini, sifatini, samarali taqsimlanishini hamda pul oqimlarini o'rgatish; tarmoqda iqtisodiy munosabatlarni amalga oshirishda foydalanilayotgan baholarning tizimini, tarkibini, mazmunini, daromad va foydani aniqlash, ularni oqilona taqsimlash yo'llarini ko'rsatish; Qishloq xo'jaligi ishlab chiqarishining o'ziga xos xususiyatlari: tarmoqda yer-suv resurslari, o'simlik va tabiiy hayvonot dunyosi, tirik organizmlar, biologik mehnat vositalaridan foydalaniladi tarmoqda bosh ishlab chiqarish vositasi yer resurslari hisoblanadi takror ishlab ...