Iqtisodiyot nazariyasi fanidan ma'ruza matni

O'ZBEKISTON RESPUBLIKASI XALQ TA'LIMI VAZIRLIGI NAVOIY DAVLAT PEDАGOGIKA INSTITUTI «IQTISODIYOT» kafedrasi IQTISODIYOT NAZARIYASI Ma'ruzalar matni Navoiy - shahri Iqtisodiyot nazariyasi bo'yicha tayyorlangan ushbu ma'ruzalar matni Nizomiy nomidаgi Toshkent davlat pedаgogika Universiteti tomonidan Oliy o'quv yurtlarida bakalavrlar tayyorlash uchun chop ettirilgan o'quv dasturiga muvofiq tayyorlangan va asosan pedаgogika ixtisosliklari uchun mo'ljallangan. Ma'ruzalar matnida iqtisodiy rivojlanishning umumiy muammolari, mikro va makroiqtisodiyot, jahon xo'jaligini rivojlanishi bilan bog'liq mavzular sodda va ravon tilda bayon etilgan. SHuningdek xorijiy tajriba va iqtisodiyotimizda o'tkazilayotgan iqtisodiy islohotlar bilan bog'liq o'zgarishlar, milliy g'oya va milliy mafkurani e'tiborga olgan holda ishlab chiqilgan. Ma'ruzalar matnidan noiqtisodiy Oliy o'quv yurtlari fakultetlari, kollej va lisey talabalari ham foydalanishlari mumkin. Tuzuvchilаr : Katta o'qituvchi SH.Хаsаnоv, O'qituvchi: I.Ro'ziеv, Navoiy davlat pedаgogika instituti ilmiy Kengashining 2014 yil аvgustdаgi navbatdan tashqari majlis qaroriga asosan nashrga tavsiya etilgan ©Navoiy davlat pedаgogika instituti. 2014 yil. KIRISH O'zbekiston Respublikasi Mustaqillikni qo'lga kiritgan dastlabki kunlardanoq bozor iqtisodiyoti yo'lini tanladi va u tomon shahdam qadam tashlamoqda. Mamlakatda olib borilayotgan bozor islohotlari iqtisodiy-ijtimoiy taraqqiyotda yangi davrni ochdi. Bu davrning maqsadi sivilizatsiyalashgan bozor iqtisodiyotiga asoslanuvchi demokratik, huquqiy va adolatli jamiyat qurishdir. Islohotlar xalqimizning ongi va ruhiyatida ham yangicha dunyoqarashni shakllantirmoqda. Ayniqsa, yoshlarimiz orasida yangicha fikrlash, bozor iqtisodiyotini idrok etish, ishlash va yashashga intilish qaror topmoqda. Boqimandalik kayfiyatining o'rnini ishchanlik, ishbilarmonlik ruhiyati egаllamoqda. Ular orasida iqtisodiy bilimlarga qiziqish kuchaymoqda. Maqsadimiz yoshlarni malakali mutaxassis egаsi sifatida iqtisodiyotning qonun - qoidalari va sir asrorlarini chuqur bilishga o'rgatishdir. Iqtisodiyot nazariyasi fani fundamental fan sifatida iqtisodiy hayotning mazmun mohiyatini, uni boshqarishning qonunlarini va ulardan foydalanish yo'llarini o'rgatadi. Ushbu ma'ruzalar matnini tuzishda O'zbekiston Respublikasining Kadrlar tayyorlash milliy dasturi va «Ta'lim to'g'risida»gi qonuni asos qilib olindi. SHuningdek, biz bozor iqtisodiyotiga kirib kelayotganimizni, bu sharoitda yashashimiz, faoliyat ko'rsatishimiz, xilma-xil munоsаbatlarda bo'lishimizni hisobga olib, bozor iqtisodiyoti muammolarini, uning qonun-qoidalarini, tushunchalarini, ularning hayotimizda qay darajada, qay shaklda amal qilayotganini yoritishga harakat qildik. Mazkur ma'ruzalar matnida iqtisodiy jarayonlarni yuzaki ko'rinib turgan tomonlariga emas, balki ularning ichki mohiyati, ziddiyatlari va bog'lanishlariga, sabab va oqibatlariga alohida e'tibor berildi. Ayniqsa, bzor iqtisodiyoti, unda amal qiluvchi qonunlar, tushunchalar, tamoyillar talabalarga soddaroq qilib, faktlar, misollar, jadval va grafiklar asosida yoritishga harakat qilindi. Ma'ruzalar matnida o'qitishning yangi pedаgogik texnologiyasi хususiyatlari hisobga olinib, har bir mavzu yuzasidan asosiy tayanch iboralar, takrorlash va munozara uchun savollar berilgan. Ma'ruza matnlarining tuzilishi, mazmuni, muammoni bayon qilish tartibi va uslubi bo'yicha bildirilgan fikr va mulohazalarni bajonidil qabul qilamiz va keyingi ijodiy faoliyatimizda hisobga olamiz I - B O' L I M IQTISОDIY TАRАQQIYOTNING UMUMIY АSОSLАRI ...