Tadbirkor xarakter qirralari

Tadbirkor xarakter qirralari 1. Tadbirkorning sifat fazilatlari Xodimlarga e'tiborli bo'lish - yaxshi rahbarning ajralmas fazilatidir. Ular bar tomonlama axborot va fikr almasha bilishi hamda xodimlarni tushunish qobiliyatiga ega bo'lish lozim. Biznesmenning muhim bir fazilati - javobgarlikni o'z zimmasiga olish va tavakkalchilikka ta'sirchan bo'lishidir. Tavakkalchilik - o'ylamasdan qilingan ish emas, balki u qat'iy hisob-kitob uchun muhimdir. Garchi u ayrim holatlarda muvaffaqiyatsizlikka olib kelsa-da, o'ylab qilingan tavakkalchilik biznesning ajralmas qismi bo'lib qolaveradi. Tavakkalchilikni anglash bu - vaziyatni oldindan ko'ra bilish, tahlil qilish va uni qo'l ostidagi xodimlarga tushuntirishdir. Ular bir-biri bilan uzviy bog'liqdir. Tadbirkor yuqori malakali va ijobiy fazilatlarga ega bo'lishi kerak. Ko'p ishlashi, katta fizik yuklamani ko'tara bilishi, xohlashi va buni oddiy holat deb hisoblashi kerak. Odatda. odamlar dam olayotganlarida (sayr qilayotganida, ovqatlanayotganida. boshqa ishlar bilan mashg'ul bolgan paytlarida) ham ishlaydilar. O'z so'zida turish, halollik va ishonchni oqlash tadbirkorning eng asosiy sifat belgisidir. O'ziga topshirilgan vazifani yoki birovning iltimosini darhol bajarish imkoniyati bo'lmagan taqdirda, rad javobini bermasdan, - o'ylab ko'ray, - deb aytgan ma'qul. Berilgan va'dani muddatidan oldin bajarish imkoni bo'lgan taqdirda ham, xavfsiz vaqt zaxirani yaratish foydadan xoli emas. Tadbirkor o'z biznesini har tomonlama chuqur o'rganishi va unga alohida e'tibor berishi kerak. Bu yerda biznesning faqat asosini bilibgina qolmay, balki uning aniq texnik, moliyaviy va marketing siyosatini bilish ham shart. O'z ustida ishlash bu - eng yaxshi fazilatdir. Ulguruvchi biznesmenning yana bir qimmatli sifat fazilati har tomonlama samarali shartnoma tuza bilishidir. Agar Siz zudlik bilan shartnoma tuzishga intilsangiz, uning boshlanishida sherikka hamkorlikda ishlashga tayyor ekanligingizni bildiring. Shundan so'ng Sizning muzoqara olib borish qobiliyatingiz kuchga kiradi. O'ta tez amalga oshirish, odatda ijobiy natija bermaydi. Bu holatlarda bir yoki ikkala tomonning tayyor emasligi ham sezilib qoladi. Bundan tashqari, tadbirkorlar uddaburon, tashkilotchi, tirishqoq, o'zini tuta biladigan, tushkunlikka berilmaydigan fazilatlarga ega bo'lishlari lozim. 2. Tadbirkorning notiqlik san'ati Ulguruvchi tadbirkor, yaxshi suxandon bo'lishi kerak, auditoriya oldida ishonchli va bilimli so'zlay olishi shart. Suxandonlik bu - san'at, bu - talant, har kimga ham berilavermaydi. Shunday bo'lsa-da, chiroyli so'zlash usuli va yo'llarini o'rganib olish mumkin. Odatda, har qanday odam o'z fikrini aniq, qiziqarli ifodatash hisobiga auditoriyani o'ziga jalb qila olishi mumkin. Shuning uchun nutq so'zlash san'atiga alohida e'tibor bermoq zarur. Nutq mavzusini tanlash va unga tegishli material yig'ish uchun quyidagi savollarga javob berish maqsadga muvofiqdir: Qanday auditoriya oldida nutq so'zlash kerak? Nima uchun ushbu auditoriya sizni nutq so'zlashga taklif etdi? Sizni shu auditoriya oldida nutq so'zlashga taklif etishdan tashkilotchilar o'z oldilariga qanday maqsadlarai qo'ymoqda? Oxirgi bor ushbu ...