Tadbirkorlik subyektlarini soliqqa tortish

Mavzu: Tadbirkorlik subyektlarini soliqqa tortish Bajardi: Sarvar Qosimov Tekshirdi: Tadbirkorlik subyektlarini soliqqa tortish Reja: Tadbirkorlik subyektlarini soliqqa tortishning umumiy tushunchalari va mazmun mohiyati Tadbirkorlik (biznes) faoliyatini soliqlar vositasida boshqarishning asosiy tamoyillari va funksiyalari Tadbirkorlik subyektlarini soliqqa tortishning umumiy tushunchalari va mazmun mohiyati Jamiyat hayotida tadbirkorlik munosabatlari bilan bog'liq faoliyat o'z-o'zidan rivojlanib bora olmaydi, avvalo uning yuksalib borishi uchun maqbul shart-sharoitlar va qonuniy asoslar hamda yuridik kafolatlar bilan ta'minlanishi muhim ahamiyat kasb etadi. Mamlakatimiz mustaqillikka erishgach, bozor iqtisodiyoti sari dadil qadamlar tashlar ekan, avvalo iqtisodiyotning muhim tayanchi bo'lgan tadbirkorlik subyektlarini faoliyatini rivojlantirish, ularning yuksalib borishi uchun huquqiy asoslarni yaratish muhim vazifalardan etib belgilandi. Tadbirkorlik (biznes) faoliyatini davlat tomonidan qo'llab quvvatlash, nafaqat fuqarolik-huquqiy normalar balki, ma'muriy-huquqiy normalar asosida rivojlantirishga, qo'shimacha kafolat va imtiyozlar berishga alohida e'tibor qaratildi. Bozor iqtisodiyotida tadbirkorlik (biznes) faoliyati talab va taklif, raqobat, qiymat va boshqa qonunlar orqali amalga oshiriladi. Bozor iqtisodiyoti erkin iqtisodiyot, tovar-pul munosabatlariga asoslangandir. Mazkur munosabatlarni tartibga solish, boshqarish, usuvor yo'nalishlarini belgilab berish, rag'batlantirish va rivojlanishi uchun qo'shimcha imtiyoz va pereferinsiyalar berish davlat tomonidan belgilab beriladigan soliq siyosati orqali amalga oshiriladi. Davlat bozor munosabatlari sharoitida tadbirkorlikni himoya qilish va uni rivojlanishini qo'llab-quvvatlash uchun turli usul va vositalardan foydalanishga harakat qiladi. Tadbirkorlik faoliyatini rivojlantirish va qo'llab-quvvatlashdagi eng samarali vositalardan biri bu soliqlar sanalib, tadbirkorlik subyektlarini soliqlar vositasida ta'sir etish bevosita davlat soliq siyosatining asosiy yo'nalishlaridan hisoblanadi. Davlatning soliq siyosati bu ilmiy-nazariy va iqtisodiy asoslarga tayangan, hukumat va boshqaruv organlarining mamlakatda ishlab chiqarish, xizmatlar ko'rsatishni rag'batlantirish, jamiyat ijtimoiy-iqtisodiy, siyosiy barqarorligini ta'minlashda bevosita soliqlar orqali ta'sir etishga qaratilgan taktik va strategik huquqiy harakatdir. O'zbekiston Respublikasining soliq-byudjet siyosatini amalga oshirishda belgilab berilgan asosiy ustuvor yo'nalishlar: soliq stavkalarini pasaytirib borish va aholining real daromadlarini oshirish; soliq stavkalarini unifikatsiyalash va soliq solish bazasini takomillashtirishda iqtisodiy choralarni ko'rish orqali soliq tushumlarini oshirib borish; iqtisodiyotda soliq yukini kamaytirish orqali barqaror iqtisodiy rivojlanishni ta'minlash; byudjet xarajatlarini ijtimoiy sohalarga yo'naltirishdan iboratdir. Davlat faoliyatining barcha yo'nalishlarini mablag' bilan ta'minlashning asosiy manbalaridan biri va davlat ustuvorligini amalga oshirishning iqtisodiy vositasi soliqlardir. Soliqlar va boshqa majburiy to'lovlar, bojlar va boshqa to'lovlar hisobiga davlat moliyaviy resurslari tashkil topadi. Soliq tizimini tartibga solish va takomillashtirish samarali davlat iqtisodiy siyosatini olib borishga, xususan, moliyaviy tizimni rivojlantirishga yordam beradi. Iqtisodiyotni, xususan tadbirkorlik (biznes) munosabatlarini davlat tomonidan soliqlar orqali tartibga solish, davlat byudjetini shakllantirish, soliq solish vositasida jamiyatdagi u yoki bu jarayonlarning rivojlanishiga ta'sir etuvchi usuli hisoblanadi. Shunday qilib, davlatning mavjudligi soliqlar bilan uzviy bog'liq, chunki soliqdan tushadigan tushumlar davlat iqtisodiy mustaqilligining bosh ...