Monoxlorsirka kislotaning etil efiri va amidining uchlamchi aminlar bilan reaksiyasini o'rganish

Monoxlorsirka kislotaning etil efiri va amidining uchlamchi aminlar bilan reaksiyasini o'rganish KIRISh Mavzuning dolzarbligi. Hozirgi kunda barcha fanlarni o'qitish maqsadi va mazmunida yangilanish ro'y bermoqda. Bunga sabab, ilm-fan va texnika shiddat bilan rivojlanishidir. Ushbu rivojlanish organik kimyodagi yangiliklarda ham o'z aksini topib bormoqda. Bugungi kunda qishloq ho'jaligi va meditsina sohasining biologik faol moddalarga bo'lgan ehtiyoji kundan kunga oshmoqda. Mamlakatimizning biologik faol moddalarga bo'lgan ehtiyojini to'ldirish, hamda import o'rnini bosuvchi yangi birikmalarni sintez qilish va amaliyotga tadbiq qilish kimyogarlar oldida turgan dolzarb vazifalardan biridir. Organik birikmalarni sintez qilishda yangi katalizatorlarning, yangi usullarning qo'llanilishi jarayonlarning yanada soddalashishiga, qulay usullarning ishlab chiqilishiga, mahsulot unumining ortishiga, reaksiyalarning tezlashishiga olib keladi. Shunday usullar uchlamchi aminlarning nukleofil almashinish reaksiyalariga kirishishlarini o'rganish vaqtida ham qo'llanilishi mumkin. Reagentlarning o'zaro ta'sirini o'rganish uchun bir turdagi reagentlarning bir nechta guruhi ishlatildi, bunda molekulalardagi uglevodorod qoldiqlari tabiati o'zgartirib turildi. Aynan mana shu omillar ularning reaksiyaga kirishish qobiliyatini belgilab beradi. Bunda nukleofil almashinish reaksiyalaridagi aminoguruhlarning faolligiga azot atomidagi o'rinbosarlarning fazoviy va induksion effektlari ta'sir ko'rsatadi. O'zMU organik kimyo kafedrasida ko'p yillardan beri turli organik birikmalar sinflari vakillarining reaksiyalari o'rganilib kelinmoqda Spirtlar, karbon kislotalar, aminobirikmalar, aromatik uglevodorodlar va fenollarning reaksiyalari shular jumlasidandir. Keyingi yillarda insonlar orasida har xil yuqumli va o'sma kasalliklari ko'payib bormoqda. Bu esa kimyogarlar oldiga shu kasalliklarni davolash uchun qo'llaniladigan yuqori biologik faollikka ega bo'lgan preparatlarni sintez qilish vazifalarini qo'yadi. Monoxlosirka kislotaning etil efiri va amidining uchlamchi aminlar bilan reaksiyasi mahsulotlaridan shunday faollikka ega bo'lgan dorivor moddalar olish mumkin. Uchlamchi aminlar bilan monoxlorsirka kislotaning etil efiri va amidining reaksiyalari asosida ko'plab birikmalar sintez qilingan bo'lib, olingan birikmalarning suvda eruvchanlik xossasi yuqori bo'lishi hisobiga ular yuqori biologik faollikni namoyon qiladi. Monoxlosirka kislotaning etil efiri va amidining uchlamchi aminlar bilan reaksiyasi sistemali ravishda o'rganishning dolzarbligi reaksiya mahsulotlari ichida qishloq xo'jaligida ishlatiladigan moddalarning mavjudligidir. Ularni emulgatorlar, stabilizatorlar, namlovchilar, dizenfeksiyalovchilar (tozalovchi) vositalar sifatida ham qo'llash mumkin. Tadqiqot obyekti va predmeti. Tadqiqot obyekti sifatida monoxlorsirka kislota etil efiri va amidi, tributilamin, monoxlorsirka kislota butil efiri, metil-dietanolamin. Ishning maqsadi: Monoxlosirka kislotaning etil efiri va amidining uchlamchi aminlar, trietilamin, tributilamin,N,N-dietilanilin va metildietanol amin bilan reaksiyalarini o'rganishdir. Ishning vazifasi: monoxlosirka kislotaning etil efiri va amidining uchlamchi aminlar trietilamin, tributilamin, N,N-dimetilanilin, va metildietanol amin bilan reaksiyasi asosida tegishli to'rtlamchi ammoniy tuzlarini olish; - tuz olish reaksiyalarining borishiga erituvchi tabiati va amin xarakterining ta'sirini o'rganish; - sintez qilingan tuzlarning tuzilishini IQ-spektri yordamida o'rganish; - hosil qilingan tuzlarning fizik-kimyoviy xossalarini o'rganish; - monoxlosirka kislotaning etil efiri va amidining tributil amin va ...