Piyoz ekstraktidagi glyukoza va boshqa qaytaruvchi shakarlarni aniqlash

Piyoz ekstraktidagi glyukoza va boshqa qaytaruvchi shakarlarni aniqlash. Kerakli asbob va reaktivlar: qirg'ich yoki pichoq, gaz gorelkasi, probirka, Felin suyuqligi, piyoz. Bosh piyozning suvli ekstrakti Felin reaktivi bilan qizdirilganda avval sariq rangli mis (I) gidroksid, so'ngra qizil rangli mis (I) oksidi hosil bo'ladi. Bu reaksiya ekstraktda glyukoza va boshqa qaytaruvchilik xususiyatiga ega moddalar borligiga asoslangan. Ishning bajarilishi. Bosh piyoz qirg'ichda yoki boshqa usulda yaxshilab maydalanadi. Tayyorlangan massadan probirkaga 0,5 g olib, uning ustiga 2 ml distillangan suv qo'yiladi va 3-4 minut qaynatiladi. So'ngra qog'oz filtr orqali filtrlanadi. Filtratdan 10 tomchi olib Felin reaksiyasi yordamida qaytaruvchi shakarlar borligi aniqlanadi. Piyoz o'rniga sabzidan ham foydalanish mumkin. Har ikkala ish natijasi 19-jadval ko'rinishida ifodalaniladi. ...