Yuqori molekulyar birikmalarning molekulyar massasi va uni viskozimetrik usulda aniqlash

Mavzu: Yuqori molekulyar birikmalarning molekulyar massasi va uni viskozimetrik usulda aniqlash RЕJA: KIRISH Ma'lumki, molekulyar massa polimerlar uchun eng muhim kattalik bo'lib, har qanday yuqori molekulyar birikmaga to'la xarakteristika berish uchun zarur ko'rsatkich hisoblanadi. Yuqori molekulyar birikmalarning quyi molekulyar birikmalardan farq qiluvchi asosiy xarakteristikalaridan biri ularning katta molekulyar massaga egaligidir. Hozirgi khunda xalq xo'jaligining turli sohalarini tibbiyot, farmasevtikani polimerlarsiz tasavvur qilish qiyin. Sanoatning eng yirik tarmoqlari rezina, plastmassa , kimyoviy tolalar, polimer moddalar, loq-bo'yoq, yelim, dielektriklar hamda boshqa tur buyumlar dunyo miqyosida keng ko'lamda ishlab chiqariladi. Bu sohalarni poimerlarsiz tasavvur qilib bo'lmaydi. Ishning dolzarbligi. Yuqori molekulyar birikmalar ma'lum xossalari asosida amaliyotda qo'llaniladi. Polimerlarning amaliy xossalari nafaqat ularning tarkibi, balki ularning molekulyar massalari bilan chambarchas bog'liq. Chunki yuqori molekulyar birikmalarning optimal xossalari ularning ma'lum molekulyar massa diapazonida namayon bo'ladi . Shu sababli polimerlarning molekulyar massasini aniqlash dolzarb masalalardan hisoblanadi. Molekulyar massani aniqlashning turli xil usullari mavjud bo'lib, ular orasida polimerni eritmalarini qovushqoqligini o'lchashga asoslangan usul eng ko'p qo'llaniladi. Bu usul viskozimetriya usuli bo'lib, boshqa usullardan oddiy va laboratoriyada sharoitida maxsus qurilma talab qilmasligi tufayli o'tkazish keng qo'llaniladigan samarali usullardan hisoblanadi. Polimerlarni qayta ishlash va ularni ekspluatatsiya qilish jarayonida sodir bo'luvchi o'zgarishlarni molekulyar massa orqali tiklash mumkin. Molekulyar massani polimerlarning oquvchanlik temperaturasi ,bo'kish va eruvchanlik kabi xossalari belgilaydi.Quyi molekulyar birikmalarga nisbatan yuqori molekulyar birikmalarning o'ziga xos xususiyatlaridan yana biri faqat polimerlarga xos bo'lgan polidisperslikdir. Polidisperslikni o'rganish muhim nazariy va amaliy axamiyatga ega . Ishdan maqsad :Yuqori molekulyar birikmalarning molekulyar massasi va uni aniqlash usullarini , shuningdek, polimerlarning molekulyar massasini tajriba yo'li bilan viskozimetrik usulda aniqlashni o'rganishdan iborat. Anashu qo'yilgan maqsadga quyidagi vazifalarni yechish orqali erishildi: -Adabiyotlar tahlili asosida yuqori molekulyar birikmalarning o'rtacha molekulyar massalari hamda turlarini o'rganish. - Yuqori molekulyar birikmalarning molekulyar massasini aniqlasning fizik-kimyoviy hamda kimyoviy usullarini o'rganish. - Qator polimerlarning suyultirilgan eritmalarini qovushqoqligini o'lchash orqali viskozimetrik usulda xarakteristik qovushqoqlik asosida Mark-Kun-Xauvink tenglamasi orqali polimerlarning o'rtacha molekulyar massasini aniqlash. Ishning amaliy ahamiyati. Quyi molekulyar birikmalardan farqli ravishda yuqori molekulyar birikmalarning xossalarini belgilovchi kattalik polimerlarni molekulyar massasidir. Shu sababli ularni amaliy maqsadlarda qo'llash uchun albatta polimerlarning molekulyar massaviy xarakteristikalari haqida ma'lumot zarur bo'ladi. Bundan kelib chiqadiki, polimerlar molekulyar massasini aniqlash polimer xossalarini belgilovchi amaliy ahamiyatga ega bo'lgan omillardan sanaladi. I . BOB. ADABIYOTLAR SHARHI Yuqori molekulyar birikmalarning molekulyar massasi va uning turlari Yuqori molekulyar birikmalarning quyi molekulyar birikmalardan asosiy farqi ularning molekulyar massasidadir.Polimer makromolekulalari tarkibida zvenolar soni va polimerlanish darajasi bir biridan farq qiladi . Demak polimer zvenolarining uzunligi va molekulyar massasi ...