Kimyo kechasi va qiziqarli ma'lumotlar o'qituvchilar uchun qo'llanma [info-referat]

DYeDAMIRZA OTAQO'ZIYeV BAXTIYoR JO'RAYeV KIMYo KYeChASI VA QIZIQARLI MA'LUMOTLAR O'QITUVChILAR UChUN QO'LLANMA Namangan - 2011 Namangan Davlat universiteti O'quv Uslubiy Kengashi tomonidan chop etishga tavsiya etilgan ( 7 - sonli bayonnoma, 2011 yil 29 mart) Dedamirza Otaqo'ziev, Baxtiyor Jo'raev. KIMYo KYeChASI VA QIZIQARLI MA'LUMOTLAR ( O'qituvchilar uchun qo'llanma). Ushbu qo'llanmada Kimyoviy elementlarning davriy sistemasiga bag'ishlangan kimyo kechasining sssenariysi, Obid Sodiqovich Sodiqovning hayoti va ijodiga atab o'tkaziladigan kimyo kechasi uchun etarlicha ma'lumotlar keltirilgan. Kitobning dastlabki paragraflarida kimyoviy elementlar va kimyoga oid turli mavzular uchun sheriy testlar, topishmoqlar hamda tematik kechalar o'tkazishga mo'ljallangan Kimyoga oid o'yinlar va fokuslar, boshqotirmalar, skanvordlar, krossvordlar va anagrammalar, kimyoviy mazmundagi sheriy topishmoqlar, kimyo va kimyogarlar haqidagi fikrlar, shuningdek mashhur kishilar hayotiga tegishli hangomalar keltirilgan. Kitobda internetdan va ro'yxatda keltirilgan adabiyotlardan olingan suratlardan foydalanildi. Ichki muqovada Namangan shahridagi 23 o'rta maktabda Kimyo fanidan o'tkazilgan O'ZM ning yakuniy qismi aks etgan. Muharrir: Abdullaev Shavkat Vohidovich, kimyo fanlari doktori, prof. Taqrizchilar: Yo'ldoshali Toshmatov, kimyo fanlari nomzodi, dotsent. Z.Xolmirzaeva, Namangan viloyat PKQTMOI tabiiy fanlar talmi kafedrasi katta o'qituvchisi. EHM operatorlari: Jobir Valiev, Bobir Dedamirzaev va Matluba Mamadalieva M U Q A D D I M A Kimyo - bashariyat saodati yashirilgan mo'jizalar sohasidir: tafakkurning buyuk kashfiyot-lari aynan shu sohada amalga oshajak. M.Gorkiy (rus yozuvchisi) Kimyo fani naqadar jiddiy, aniq va hayotning ko'plab sohalarida kerak bo'lishini etirof etmaydigan ma'lumotli odamni topib bo'lmasa kerak. Bashariyatning bir necha ming yillik ko'hna tarixi dalolat beradiki, juda qadim zamonlardan beri odamlar tevarak - atrofdagi tabiat bilan uzluksiz ravishda muloqotda bo'lib, unga kimyo vositasida ta'sir etganlar hamda o'zlari uchun zarur material va mahsulotlarni olganlar, bunga misol tariqasida metall eritish, shisha va sopol, gazlamalar uchun bo'yoq tayyorlash, teri oshlash, non yopish, hayotni uzaytiradigan universal dorini(hayot eleksirini) topishga, oddiy metallarni qimmatbaho metallarga aylantirish, chidamli qurol-yarog' yaratish uchun chidamli va pishiq metallarni topish masalalari bilan qiziqqanliklarini keltirish mumkin. Juda qadimdan boshlab kimyo inson faoliyatining sohasi hisoblangan, hozirgi tasavvurimizdagi fanga aylanishi uchun ming yillar kerak bo'ldi. Kimyoviy bilimlarning ko'lami juda ham keng, kimyo dunyoni tashkil etgan elementlarni ham, shu elementlardan hosil bo'lgan har xil oddiy va murakkab moddalarni ham, ularning bir-biriga aylanishiga doir murakkab qonunlarni ham o'rganadi. hozirgi kunda kimyo fanining o'nlab tarmoqlari va uning boshqa fanlar bilan aloqasi, hayotning juda ko'p tarmoqlarida qo'llanishi ham malum. Aytib o'tilgan muammolarni ongli va izchil hal etish uchun esa kimyoviy bilimlarni qunt bilan chuqur o'rganish zarur bo'ladi. Buning uchun esa o'quvchilarda kimyo faniga qiziqish uyg'otish eng aktual masalalardandir. Ushbu kitobda ana shunday masalalar, yani ...