Portlandtsement, tarkibi va klassifikatsiyasi [info-referat]

PORTLANDTsYeMYeNT. Tarkibi va klassifikatsiyasi Erib qovushib qolguncha kuydirilgan klinkerni gips, bazi hollarda esa maxsus qo'shimchalar bilan birgalikda tuyishdan hosil bo'lgan gidravlik bog'lovchi modda portlandtsement deb ataladi. Kuydirish mahsulotida kaltsiy silikatlar ko'p bo'ladi (70…80%). Qisman erish natijasida qovushib qotib qolgan mayda-yirik tosh bo'laklar klinker deyiladi. Portlandtsementni klinker tarkibiga mos keladigan mahsulotning xom ashyo aralashmasini to'la eritish yo'li bilan ham olish mumkin. GOST 26798.0-26798.2-85ga ko'ra portlandtsement xossalarini o'zgartirib turish, shuningdek, uning tannarxini kamaytirish maqsadida klinkerga aktiv (gidravlik) va inert mineral qo'shimchalar qo'shishga ruxsat etiladi. Inert qo'shimchalar (ohaktosh, dolomit, kvarts qum va boshqalar) miqdori 10% dan, aktiv (trepel, diatomit, trass va boshqalar) qo'shimchalar miqdori esa 15% dan oshmasligi kerak. Biroq gidravlik qo'shimchalar 20% va undan ortiq bo'lishi ham mumkin. U holda maydalangan mahsulot nima qo'shilganiga qarab boshqa, yani qo'shilma sifatida donador domna shlagi ishlatilsa, shlakportlandtsement deb, tabiiy gidravlik qo'shilmalar ishlatilsa, putstsolan portlandtsement deb ataladi. Klinkerni tuyayotganda unga odatda ko'pi bilan 3% gips (sulfat kislota angidridiga nisbatan hisoblaganda) qo'shiladi. Bu bilan tsementning tishlashish muddati uzaytiriladi. Bu esa uning xossalariga yaxshi ta'sir qiladi . Shunday qilib, portlandtsement klinker, gidravlik (yoki inert) qo'shilma va gips aralashmasidan iborat. Bundan tashqari unda oz miqdorda - 1 % gacha boshqa moddalar, masalan, tsement sifatini bo'zmaydigan, ammo uning yaxshiroq maydalanishiga yordam beradigan intensifikatorlar (qurum, ko'mir) ham bo'lishi mumkin. Zamonaviy qurilishda portlandtsement va uning turlari asosiy material bo'lib hisoblanadi, undan turli bino va inshootlarni ko'rish uchun zarur bo'lgan beton va temir-beton konstruksiyalar yasalmoqda. Tsement sifati borgan sari yaxshilanmoqda, uning mustahkamlik kursatkychlari ortmoqda. Portlandtsementning o'rtacha markasi 500 dan (GOST 310-85) ortib ketdi, tsement turlari ham ko'paymoqda, bir qator maxsus tsementlar chiqarilmoqda. ...