To'rtinchi, beshinchi va oltinchi analitik guruh kationlarining analitik reaksiyalari [info-referat]

To'rtinchi, beshinchi va oltinchi analitik guruh kationlarining analitik reaksiyalari Kislota - asos tasnifi bo'yicha to'rtinchi analitik guruh kationlarining: Zn2+, Al3+, Sn2+, Sn4+, As3+, As5+, Cr3+ analitik reaksiyalari Rux kationining analitik reaksiyalari. Ishqorlar bilan reaksiyasi. rux kationlari Zn2+, ortiqcha ishqorda erib rangsiz gidroksokompleks hosil qiluvchi, rux gidroksidi cho'kmasini hosil qiladi: Zn2+ + 2OH- → Zn(OH)2 Zn(OH)2 + 2OH- → [Zn(OH)4]2- Bajarish uslubi. probirkaga rux xloridi ZnCl2 eritmasidan 5-6 tomchi olib, 1-2 tomchi ishqor eritmasi qo'shiladi. Oq cho'kma rux gidroksidi hosil bo'ladi. Probirkadagi aralashmani chayqatib turib ishqor eritmasidan qo'shish davom ettirilsa, cho'kma erib ketadi. Ammiak eritmasi bilan reaksiyasi. ishqorlar kabi ammiak rux kationlari bilan avval oq cho'kma Zn(OH)2 hosil qiladi, ortiqcha ammiakda rangsiz ammiakli kompleks kationini [Zn(NH3)4]2+hosil qilib eriydi. Zn2+ + 2NH3 ∙ H2O → Zn(OH)2 + 2NH4+ Zn(OH)2 + 4NH3 → [Zn(NH3)4](OH)2 Bajarilish uslubi yuqoridagi kabi. Sulfid ionlari bilan (farmakopeya) reaksiyasi. neytral va kuchsiz kislotali (2 ≤ rN ≤ 9) muhitda rux kationlari sulfid ionlari bilan oq cho'kma hosil qiladi; Zn2+ + S2- → ZnS Cho'kma sirka kislotada erimaydi, ammo NCl va boshqa mineral kislotalarda eriydi. Reaksiya odatda sirka kislotali muhitda olib boriladi, chunki shunday muhitda to'rtinchi guruhning boshqa kationlari (qalay (II) dan tashqari) ruxni ochishga xalaqit bermaydi. Bajarish uslubi. ZnSl2 eritmasining 2-3 tomchisiga 1-2 tomchi (NH4)2S yangi tayyorlangan eritmasidan qo'shiladi. Oq cho'kma rux sulfidi hosil bo'ladi. Kaliy geksatsianoferrat (II) bilan (farmakopeya) reaksiyasi. rux kationlari K4[Fe(CN)6] bilan neytral yoki kuchsiz kislotali sharoitda (isitilganda reaksiya tezroq boradi) kaliy, rux geksatsianoferrati (II) oq cho'kmasini hosil qiladi. 2K+ + 3Zn2+ + 2[Fe(CN)6]4- → K2Zn3[Fe(CN)6]2 Cho'kma suyultirilgan NCl eritmasida erimaydi, ammo ishqorda eriydi, shuning uchun bu reaksiyani ishqoriy muhitda olib borilmaydi. Suvda erimas ferrotsianid hosil qiluvchi barcha kationlar bu reaksiyaga xalaqit beradi. Al3+ va Cr3+ kationlari xalaqit bermaydi. Reaksiya sezgirligi ~1 mkgml ≈ 10-6 gml (chegaraviy kontsentratsiya). Bajarish uslubi. Probirkaga 5-10 tomchi ZnSl2 eritmasidan olib 5-6 tomchi K4[Fe(CN)6] qo'shiladi. Aralashma qaynaguncha isitilgach kaliy va tsink geksatsianoferrat (II), oq cho'kmasi hosil bo'ladi. Ditizon (difeniltiokarbazon) bilan reaksiyasi. Ditizonni xloroformdagi eritmasi (ekstragent) tarkibida rux kationlari Zn2+ bo'lgan ishqoriy muhitli suvli eritma bilan aralashtirilsa, organik qatlamga ekstraksiyalanuvchi, rux ditizonati (kompleks birikma) hosil bo'ladi. Xloroform qatlamining rangi suvli qatlamga nisbatan yorqin qizil rangda bo'ladi. Reaksiya mohiyatini taqriban quyidagicha tasvirlash mumkin. Ditizon eritmasida uning tion va tiol shakllari orasida tautomer muvozanat qaror topgan bo'ladi. Tiol shakli kuchsiz ikki negizli kislota bo'lib, SN guruhini osonroq dissotsilanishi hisobiga kompleks hosil qiluvchi metall ioniga birikadi. Agar faqat bitta vodorod ioni ajraladigan bo'lsa, rux kationi ...