Boshlang'ich sinf o'quvchilariga geometrik materiallarni o'rgatish usullari

O'ZBEKISTON RESPUBLIKASI XALQ TA'LIMI VAZIRLIGI Qashqadaryo viloyat pedagog kadrlarni qayta tayyorlash va malakasini oshirish instituti. Maktabgacha va boshlang'ich ta'lim kafedrasi o'qituvchisi Xosiyat To'lakovaning ma'ruza matni. Mazkur matn maktabgacha va boshlang'ich ta'lim kafedrasining 2011-yil 16 noyabrdagi 11 1 - sonli qarori bilan o'qishga tavsiya etildi. Kafedra mudiri: Sh.Hamroyev Taqrizchi: G. Nazarov Qarshi shahri-2011yil Nazariy mashg'ulot darslari bo'yicha texnologik xarita. 11-mavzu: Matematika darslarining o'ziga xos xususiyatlari. Boshlang'ich sinf o'quvchilariga geometrik materiallarni o'rgatish usullari. (2 soat ma'ruza) Maqsad: Matematika o'qitish o'quvchilarni savodlilikka, tirishqoqlikka, puxtalikka, o'z fikri va xulosalarini nazorat qila olishga o'rgatish. Geometrik shakllar (nuqta, to'g'ri va egri chiziq, to'g'ri chiziq kesmasi, nuqta, kesma, burchak, uchburchak, to'g'rito'rtburchak, ko'pburchak, aylana, doira va boshqalar) haqida, ularning elementlari haqida shakllar va ularning elementlari orasidagi munosabatlari haqida, ularning ba'zi xossalari haqidagi tasavvurlarning to'la sistemasini tarkib topdirishdan iborat. Kutiladigan natija: . Óquvchilar olgan bilimlarni, amalga qo'llay olishga o'rgatish, oqitish metodlari o'zlashtirish, tarbiyalash va rivojlantirish kabi vazifalarni bajarish. Geometrik materiallarni o'rgatishda amaliy yondoshuvni ta'minlash orqali, ijodiy izlanish, mustaqil fikrlash va geometrik masalalar yechimini mustaqil bajara olishga erishish. Tayanch so'zlar: algebraik, arifmetik, geometric, to'g'ri chiziq, nuqta, kesma, burchak, uchburchak, to'g'rito'rtburchak, ko'pburchak, aylana, doira, radius, diametr, perimetr, yuza, hajm. Reja: I. Matematika darslarining o'ziga xos xususiyatlari. II. Asosiy қism: a). «O'nlik» mavzusida geometrik material ustida ishlash usullari. b). «Yuzlik» mavzusida geometrik material ustida ishlash usullari. d). «Minglik» va «Ko'p xonali sonlar» mavzularida geometrik material ustida ishlash usullari. II. Xulosa. Kirish. Boshlang'ich matematika kursi maktab matematika kursining tarkibiy qismidir. Shu sababli boshlang'ich matematikani muvaffaqiyatli, o'zlashtirish maktabda butun matematik ta'limni to'g'ri yo'lga qo'yishda asos bo'lishi tushunarli bo'lib qoladi. Snuni ta'kidlash kerakki, amaldagi boshlang'ich matematika dasturi tuzilishi va mazmuni yo'q joydan yaratilmadi, balki to'plangan boy metodik merosdan va o'qituvchilarning ilg'or tajribasidan kelib chiqib, ma'lum izchillikni saqlagan holda yaratildi. Ma'lumki, o'quv predmeti ilgarigidek «Arifmetika» emas, balki, «Matematika» deb ataladi. Fan nomining bunday o'zgartirilishi bejiz emas: bu o'zgarish o'zida mazkur o'quv predmetining mazmunini va tuzilishini o'zgarishini aks ettiradi. Matematika dasturining asosiy o'zagi natural sonlar va asosiy miqdorlar arifmetikasidan iborat bo'lib, bu o'zak atrofida algebra va geometriya elementlari birlashadi, bu elementlar arifmetika bilimlar tizimida tarkiban qo'shilib, son, arifmetika amallar va matematik munosabatlar haqidagi tushunchalarning yuqoriroq darajada o'zlashtirilishida imkoniyat beradi. Snunday qilib, boshlang'ich matematika kursi o'z tuzilishi bo'yicha uch fanni o'z ichiga olgan butun kursdir, unda arifmetik, algebralik va geometrik materialdan iborat qismlarni farq qilish kerak. «Metodika»-grekcha so'z bo'lbi, «metod» degani «yo'l», «uslub» degan ma'nolarni anglatadi. Matematika boshlang'ich ta'lim metodikasining predmeti qo'yidagilardan iborat: 1.Matematika o'qitishdan ko'zda tutilgan maqsadlarni ...