Chizmalarni hosil qilish va rasmiylashtirish - o'tqazish va qo'yimlar, bazalar, yuza g'adir - budirliklari, texnik shartlarni yozish talablari

Chizmalarni hosil qilish va rasmiylashtirish: o'tqazish va qo'yimlar, bazalar, yuza g'adir- budirliklari, texnik shartlarni yozish talablari Reja: O'tqazish va qo'yimlar, bazalar Yuza g'adir-budirliklari Texnik shartlarni yozish talablari O'tqazish va qo'yimlar, bazalar Loyihalash deganda ilmiy-tadqiqot, hisob-kitob va konstruktorlik ishlari kompleksini bajarish natijasida ilmiy-tadqiqot ishlari jarayonida olingan texnik taklifni ishlab chiqarish jarayoni uchun yaroqli bo'lgan ishchi hujjatlarga o'zgartirib berish jarayoni tushuniladi. Yakuniy tavsif bir yoki bir nechta oraliq tavsiflardan tashkil topgan bo'lishi mumkin. Bunday tavsiflar loyihaviy yechimlar deyiladi. Respublikamiz sanoatini yuksaltirish mashinasozlikni rivojlantirishga bevosita bog'liqdir. Chunki mashinasozlik sanoatning barcha tarmoqlari bo'yicha yuksaltirishning asosiy negizi bo'lib hisoblanadi. Mashinasozlikni rivojlantirish uchun mashina va boshqa buyumlarni o'zaro almashinuvchanlik asosida ishlab chiqarishni tashkil qilish katta ahamiyatga ega. Chunki mashinalar, priborlar, moslamalar ishlab chiqarish, ularni ta'mirlash va ekspluatatsiya qilish detallarni, yig'ma qismlarni va agregatlarni o'zaro almashinuvchanlik prinsipiga asoslangandir. Bitta mashinani to'liq, ishlab chiqarish uchun sanoatning turlicha sohalarida yuzlab korxonalar o'zaro hamkorlik qiladilar. Shuning uchun ham barcha korxonalarda tayyorlangan detallar mashinani yig'ishda iloji boricha to'liq o'zaro almashinuvchanlikni ta'minlashi kerak, chunki bu prinsipda tayyorlangan detallar, mashina qismlari hech qanday ko'shimcha ishlov berishni, operatsiyalar o'tkazishni talab qilmasdan mashinalarda o'rinlarini egallab, shu bilan birga qo'yilgan texnikaviy shart-sharoitlarga mos ravishda o'z funksiyasini bajaradilar. O'zaro almashinuvchanlikka asoslangan mashinasozlik korxonalarida ishlab chiqarishni avtomatlashtirish mumkin, detallar sifatli tayyorlanadi, tayyorlash va mashinalarni yig'ish tannarxi arzonlashadi. Shuning uchun ushbu fan asosiy fanlardan bo'lib hisoblanib mashinasozlik ishlab chiqarishi texnologik jarayonining ajralmas qismidir. O'zaroalmashinuvchanlik to'g'risidagi asosiy tushunchalar. Joizliklar va o'tkazishlar tizimi. O'zaroalmashinuvchanlik turlari. Nominal, haqiqiy va chegaraviy o'lchamlar va og'ishlar haqidagi tushuncha. Joizliklar va o'tkazishlarni tanlash prinsiplari. Birikmalar. Birikuvchi va birikmaydigan sirtlar. O'tkazishlar. Uch turdagi o'tkazishlar: oraliq, taranglik va o'tuvchi. Ularni mohiyati va tasnifi. Yagona joizlik va o'tkazishlar tizimini tuzilish asoslar. Joizlik birligi. Kvalitetlar. Teshik va val tizimidagi o'tkazishlar. O'tkazishlar hisobi va ularni tanlash. Joizliklar va o'tkazishlarni chizmada belgilanishi. Mexanik ishlov berishda umumiy qo'yimdeb, tayyor detal olish uchun mexanik ishlov berish jarayonida boshlang'ich xomaki sirtidan olib tashlanadigan material qatlamiga aytiladi. Ishlov berishda qo'yim o'lchamlarini to'g'ri tanlash uchun texnik iqtisodiy masalalarni yechish kerak. Qo'yim qatlamiga xomakini olish texnologiyasi ham ta'sir ko'rsatadi. Juda ham katta qo'yimlarni belgilash materialning isrof bo'lishiga, mexanik ishlov berishda ish hajmining ortishiga, kesuvchi asbob va elektr energiya sarfining oshib ketishiga olib keladi. 1-rasm. Mexanik ishlov berishda qo'yimlar Operatsion qo'yim deb bitta texnologik operatsiyani bajarishda xomaki sirtidan kesib olinadigan materialning qatlamiga aytiladi. Operatsion qo'yim oraliq qo'yimlar, yani shu operatsiyaga kirgan har bir alohida o'tishlar uchun qoldirilgan qo'yimlarning yig'indisiga teng. Valga ikki xil operatsiya (yo'nish va jilvirlash) bilan ishlov ...