Ixtisoslashtirilgan boshlang'ich sinflarda matematika o'qitish

Ixtisoslashtirilgan boshlang'ich sinflarda matematika o'qitish Reja: Ixtisoslashtirilgan boshlang'ich sinfda matematika o'qitishni tashkil etish. Ixtisoslashgan sinflarda darsda va darsdan tashqari mashg'ulotlarda masalalar yechish metodikasi Oz komplektli maktablar haqida ma'lumot. Oz komplektli maktabda o'quv ishini tashkil etishning xususiyatlari. Oz komplektli maktabda dars o'tishning taxminiy rejasi. Ixtisoslashtirilgan sinf va ixtisoslashtirilgan umumta'lim muassasasining o'quvtarbiya jarayonini tashkil etish. O'quv-tarbiya jarayonini tashkil etish, o'qitishning qancha davom etishi va muddatlari o'quv rejalari, dasturlar, kalendar o'quv jadvali, O'zbekiston Respublikasi Xalq ta'limi vazirligining tegishli normativ hujjatlari va umumta'lim muassasasining ustavi bilan tartibga solinadi. -Ta'lim jarayoni ayrim fanlar chuqur o'rganiladigan ixtisoslashtirilgan sinflar va ixtisoslashtirilgan maktablarda 2-9-sinflarning maxsus o'quv rejalari va dasturlari bo'yicha tashkil etiladi. O'quvchilarni 1-sinfdan boshlab o'qishga qabul qiladigan umumta'lim muassasalarida fanlarni chuqur o'rganish 2-sinfdan boshlanadi. Ixtisoslashtirilgan maktab-internatlarda o'quv-tarbiya jarayoni 5-9-sinflar doirasida maxsus o'quv rejalari va dasturlar bo'yicha tashkil etiladi. Ayrim fanlar chuqur o'rganiladigan ixtisoslashtirilgan sinflarda va ixtisoslashtirilgan maktablarda o'quv-tarbiya jarayoni 2-4-sinflarda o'quvchilarning kamol topishini, ularning ovoz chiqarib o'qish, yozish, sanoqni, o'quv faoliyatining asosiy malaka va ko'nikmalarini, ijodiy tafakkur qilish elementlarini, o'quv harakatlarini o'zi nazorat qilishi ko'nikmalarini, xulq-atvor va nutq madaniyatini, shaxsiy gigiyena va sog'lom turmush tarzi asoslarini egallab olishini ta'minlaydi. Bunda o'quvchilarning individual xususiyatlari, gumanitar, tabiiy, ilmiy yoki estetik fanlarga bo'lgan qobiliyatlari o'rganiladi hamda o'qish tamom bo'lgandan keyin o'rganish, psixologikpedagogik diagnostika natijalari hisobga olingan holda ularni bundan keyin o'qishga yo'naltirishni tanlash bo'yicha tavsiyalar qabul qilinadi. 2-sinf (170 soat, A1+: 204 soat) 3-4-sinflarda (170 soat, A1+: 238 soat) o'tiladi. Matematikaga ixtisoslashgan sinflarda o'qitishda ushbu omillarni kiritamiz: O'quvchilarda o'qishga bo'lganbilim va ko'nikmalarni shakllantirish; O'qish jarayoniga bo'lgan mas'uliyatni tarbiyalash; O'z kuchiga, qobiliyatiga bo'ladigan ishonchni tarbiyalash; «Matematika keyingi ishlar uchun qurol» ekanligiga ishonchlilikni tarbiyalash. Matematikaga ixtisoslashgan sinflarda o'qitishda oquvchilar masalani quyidagi sxemaga qarab yechadilar: masalani o'qish davrida talabi (savol) aniqlanadi, masala obyekti va ularning berilgan tashqi nisbati (shartda ko'rsatilgan), keyin chizma va qisqa qilib masala shartlari yoziladi. Agar shundan keyin masalani yechish uchun kerak bo'lgan nazariya, yechish rejasi o'xshash masala bilan bog'lanishlari bo'lsa, unda masala yechimi davom ettiriladi. Agar bunday bog'lanishlar bo'lmasa, o'quvchilarning bir qismi masala yechishni to'xtatib qo'yadi, chunki bu yerda shartlarning chuqur tahlili, noma'lumning masala obyekti bilan bo'lgan bog'lanishlarini aniqlash lozimdir. Ushbu harakatlarda masala shartlari tahlili va unga kerak bo'lgan chizmalar bajariladi va noaniq bo'lgan bog'lanishlar asosida masala yechishga o'tiladi. Berilgan masalaning to'g'ri yechilganligini bilish uchun unga teskari masala tuzib yechish uchun, yoki masalani murakkablashtirish yoki boshqacha yechish usullarini qo'llash uchun masala mazmunida turli o'zgarishlar qilish ham mumkin? Masalalarda namunalar keltiramiz: Masala tuzing va yeching Karimning dadasi 12300 so'mga sumka, ...