Ikki yoqli, uch yoqli burchak. Ko'pyoq va uning elementlari

Ikki yoqli burchak. Chiziqli burchak. Uch yoqli burchak. Ko'pyoq va uning elementlari. Reja: Ikki yoqli burchak. Uch yoqli burchak. Ko'pyoq va uning elementlari. Planimetriyada tekislikdagi burchak deb, bitta umumiy uchga ega ikkita nur va tekislikning ular bilan chegaralangan qismidan hosil bo'lgan shaklga aytiladi, ya'ni bunda α1 va α2 lar uchun ikki hol kuzatilishi mumkin. Ma'lumki, tekislikdagi ixtiyoriy to'g'ri chiziq uni ikkita yarim tekislikka bo'ladi. Berilgan α va β tekisliklar AB to'g'ri chiziq bo'yicha kesishsin. Ta'rif. Bitta AB to'g'ri chiziqdan chiquvchi ikkita α va β yarim tekislikdan tashkil topgan shakl ikki yoqli burchak deyiladi. AB to'g'ri chiziq ikki yoqli burchakning qirrasi, α va β tekisliklar esa ikki yoqli burchakning yoqlari yoki tomonlari deyiladi. Ikki yoqli burchak to'rtta harf bilan ifodalanadi, ulardan ikkitasi qirrada, yana ikkitasi ikki yoqli burchakning yoqlarida bo'ladi. Masalan, MABN ikki yoqli burchak . Ikki yoqli burchak AB qirrasining ixtiyoriy nuqtasidan uning har bir yog'ida qirrasiga perpendikular bittadan to'g'ri chiziqlar o'tkazamiz, ya'ni CD AB, CDα va DE AB, DE β. Hosil bo'lgan CDE - ikki yoqli burchakning chiziqli burchagi deyiladi. CD va DE to'g'ri chiziqlar o'zaro kesishadi va shuning uchun ular bitta tekislikda yotadi. Modomiki, AB CD, AB DE ekan, AB qirra (CDE) tekislikka perpendikular bo'ladi. Bundan ikki yoqli burchakning chiziqli burchagini yasash uchun AB qirraning ixtiyoriy D nuqtasidan AB qirraga perpendikular tekislik o'tkazish yetarli. Bu tekislikning ikki yoqli burchak yoqlari bilan kesishish Chiziqlari hosil qilgan CDE berilgan ikki yoqli burchakning chiziqli burchagi bo'ladi. Planimetriyada ko'rib o'tilgani kabi, quyidagi burchaklar xillarini qarash mumkin: Bitta yog'i umumiy, qolgan ikkita yog'i bitta tekislikning ikkita yarim tekisligini tashkil etuvchi qo'shni ikki yoqli burchaklar. Ikkita ikki yoqli burchakning yoqlari ikkita tekislikning to'ldiruvchi yarim tekisliklari bo'lgan vertikal ikki yoqli burchaklar. Agar qo'shni ikki yoqli burchaklar o'zaro teng bo'lsa, ularning har biri to'g'ri ikki yoqli burchak deyiladi. Ikki yoqli burchak chiziqli burchakka keltirilganligidan, ikki yoqli burchaklarning quyidagi xossalari o'rinli: Teng ikki yoqli burchaklarga teng chiziqli burchaklar mos keladi; Katta ikki yoqli burchakka katta chiziqli burchak mos keladi; Barcha to'g'ri ikki yoqli burchaklar o'zaro teng; Vertikal ikki yoqli burchaklar o'zaro teng. Ta'rif. Agar ikkita tekislik o'zaro kesishganda ikki yoqli to'g'ri burchak hosil qilsa, ular o'zaro perpendikular tekisliklar deyiladi. Teorema (ikki tekislikning perpendikularlik alomati):Agar α tekislik boshqa β tekislikka perpendikular bo'lgan AB to'g'ri chiziq orqali o'tsa, α tekislik β tekislikka perpendikular bo'ladi. I s b o t i. α va β tekisliklar DE to'g'ri chiziq bo'ylab kesishsin (15.11- chizma). β tekislikda A nuqta orqali DE to'g'ri chiziqqa ...