2014-yil - Sog'lom bola yili

2014 yilning Sog'lom bola yili deb atalishining zamirida olam­olam mano mujassamlashgan. Bunda kelajak vorislarimiz bo'lgan farzandlarimizning salomatligi hamda barkamol avlod bo'lib o'sishlaridagi orzu-umidlar yotadi. Darhaqiqat, bir­biridan shirin bo'lgan bolajonlarimiz suratlariga qarab, ulardagi beg'uborliq hamda ko'z¬laridagi quvonchni ko'rib, qalblarimiz zavqqa to'ladi. Chunki, ular ertangi kunimizning davomchilari ekanligi bilan haqli ravishda faxrlanib, Yurtim sarvari bo'l, bolajon! deya baralla aytgimiz keladi. YuQORI SAMARADORLIK VA MUSTAHKAM TIZIM FAOLIYaTI - TARAQQIYoT MYeZONI Mustaqillikning ilk kunlaridan boshlab, barcha jabhalar kabi sog'liqni saqlash tizimida ham tub o'zgarishlar bo'lib, bu davlat siyo¬satining ustuvor yo'nalishlaridan biriga aylanib kelmoqda. Ayniqsa, sog'liqni saqlash sohasidagi islohotlar jarayoni O'zbekiston Respublikasi Prezidentining 1998 yil 10 noyabrdagi Sog'liqni saqlash tizimini isloh qilish Davlat dasturi to'g'risidagi 2107-sonli Farmoni asosida Respublikada sog'liqni saqlashning milliy modeli yaratildi, tibbiy xizmat darajasi oshdi va aholi salomatligi ko'rsatkichlari yaxshilanishiga erishildi. Bu borada Buxoro viloyati hokimligi sog'liqni saqlash boshqarmasida ham ijobiy ishlar amalga oshirilib, aholiga ko'rsatilayotgan tibbiy xizmat sifati yanada yaxshilanib bormoqda. Davlatimiz rahbarining sog'liqni saqlash tizimini isloh qilishga qaratilgan Davlat dasturining bosqichma-bosqich amalga oshirib kelinishi natijasida sohada muayyan o'zgarishlar yuzaga kelmoqda. Buning barobarida aholiga ko'rsatilayotgan tibbiy xizmat darajasi yuqori bosqichga ko'tarilmoqda. Darhaqiqat, muhtaram Yurtboshimiz O'zbekiston Respublikasi Konstitutsiyasi qabul qilinganligining 21 yilligiga bag'ishlangan tantanali marosimidagi ma'ruzasida 2014 yilni mamlakatimizda Sog'lom bola yili deb elon qildi va bu taklif keng jamoatchilik, xalqimiz tomonidan qo'llab-quvvatlandi. Zero, yurtimizda sog'lom avlodni voyaga yetkazish, ayniqsa, onalik va bolalikni muhofaza qilish borasidagi say-harakatlarni izchil davom ettirish maqsadi ko'zda tutilgan bu yil sog'liqni saqlash tizimi xodimlari zimmasiga ham nihoyatda zalvorli mas'uliyatni yuklaydi. Bugungi kunda viloyatimizdagi 1 mln. 700 mingdan ...