Ateroskleroz kasalligi patofiziologiyasi va farmakoterapiyasi asoslari

Ateroskleroz kasalligi patofiziologiyasi va farmakoterapiyasi asoslari Reja: Ateroskleroz faqat arteriyalar kasalligi Giperlipoprodeidemiyalarning klinik tasnifi Aterosklerozga qarshi dori vositalarining ta'siri Qon tomir ichki devori jarohatlanishi bilan kechadigan surunkali kasallikka ateroskleroz deyiladi. Ateroskleroz ko'pincha 40-50 yoshlardan oshgan insonlarda qayd etilar edi. Hozirgi kunda ateroskleroz kasalligi ham yosharib bormoqda. Ateroskleroz aorta, yurak toj tomiri, miya, buyrak, qorin bo'shlig'i arteriyalari kabi organizmni yirik arteriyalarini jarohatlaydi va uni patomorfologik tekshiruvlarda oddiy ko'z bilan ko'rish mumkin. Ateroskleroz faqat arteriyalar kasalligi bo'lmay, qon tomirlar devorini oziqlantiruvchi qon aylanish strukturasini nazorat qilib turuvchi neyrogumoral apparat va modda almashinuvi kasalliklarining majmuasidir. Miya katta yarim sharlari va uni vegetativ bo'limlari tomonidan boshqarilib turuvchi tomirlar innervatsiyasining buzilishi ham aterosklerozni. yuzaga chiqishida katta rol o'ynaydi. Shu bilan birga ateroskleroz ko'pincha uzoq ruhiy va psixologik zo'riqishda, kam harakatchanlik bilan bog'liq yashash tarzida, betartib ovqatlanishda va u bilan bog'liq semirishda, qand kasalligida, meksedima kabi kasalliklar qayd etiluvchi insonlarda rivojlanadi va yuzaga chiqadi. Bazi avtorlarning fikricha ateroskleroz kasalligi erkaklarda ayollarga qaraganda 3-4 marta ko'proq uchraydi. Ayollarda aterosklerozning kam uchrashini ularda qalqonsimon bezning nisbatan aktivligi bilan tushuntiriladi. Chunki bunday holda ajralib chiqayotgan tireoidin aterosklerozning rivojlanishini oldini oladi. Meksedemada esa ateroskleroz rivoj topadi, chunki bunda qalqonsimon bez funksiyasi susayadi. Bazan aterosklerozga moil oilalar ham bo'ladi. Yog'li ovqatlarni me'yoridan ortiq qabul qilish, qonni xolesterin va uning unumlari bilan boyitish aterosklerozning rivojida asosiy rollardan birini egallaydi. N. N. Anichkov va uning shogirdlari sun'iy xolesterinli dieta bilan quyonlarda ateroskleroz modelini yaratganlar. Shuningdek aterosklerozni rivojlanishida surunkali alkogolga va nikotinga ruju quyish ham alohida ahamiyatga ega. Arterial gipertoniyada arteriya tomirlari devoriga lipoidlar ...