Biogen stimulyatorlar tavsifi va tasnifi, texnologiyasi

biogen stimulyatorlar tavsifi va tasnifi, texnologiyasi Reja. 1. Biogen stimulyatorlar, ularning tavsifi. 2. Biogen stimulyatorlar tasnifi. 3. O'mliklardan olinadigan biogen stimulyatorlar. 4. Balchiqlardan olinadigan biogen stimulyatorlar. 5. Hayvonlardan olinadigan biogen stimulyatorlar. Biogen stimulyatorlar Biogen stimulyatorlar tarkibi murakkab moddalar majmuasidan iborat bo'lib, hozirgacha etarli o'rganilmagan. Biogen stimulyatorlar asoschisi V. P. Filatov hisoblanadi. Birinchi marta u murdalarning ko'z muguz pardasini 2-4°S haroratda saqlab qo'yib, jarrohlik yo'li bilan kasallar ko'ziga o'tkazganda, bunday sharoitda saqlangan organ yaxshiroq o'zlashtirib olinishini sezdi. V. P. Filatovning fikricha, hayvon va o'simlik organlaridan ajratib olingan to'qimalar yashash uchun noqulay (sovuq, qorong'i va h.k.) sharoitga tushib qolsalar, ularda bioximik o'zgarishlar yuz beradi, shu qiyin sharoitda tirik organning yashashini taminlovchi qandaydir moddalar ishlab chiqaradi. Bu moddalarni V. P. Filatov biogen stimulyatorlar deb atadi. Bu «Vios» - hayot, «genesis» - tug'ilish, paydo bo'lish, «stimulo» - uyg'otish so'zlaridan olingan. Biogen stimulptorlar organizmda hayotiy jarayonlarni tezlashtiradi, moddalar almashinuvini kuchaytiradi, organizmning kasalliklarga bo'lgan chidamliligini oshiradi. Sovuqlik va katta bosim (suv ostida) o'simliklar uchun noqulay sharoit hisoblanadi. O'simliklarda biogen stimulyatorlar hosil bo'lish nazariyasi va ulardan preparat tayyorlash ustida P. A. Gnedkov (1983) ning olib borgan ishlari muhimdir. U sukkulent o'simliklarining 12 turidan biosed, lekosed, flavosed, sedoglyutsid preparatlarini ajratgan bo'lib, ular yallig'lanish va saraton kasalligini davolashda ishlatiladi. Uning fikricha, monosaxaridlar o'zgaruvchan bo'lib, korong'i sharoitda organik kislotalar hosil bo'lishida, yorug'da esa ularning parchalanishida ishtirok etadi. hozirgi vaqtda biogen stimulyatorlar saqlagan preparatlardan yog' qatoriga kiruvchi bikarbon kislotalar, to'yinmagan aromatik va oksikislotalar, makromolekulyar aromatik kislotalar ajratib olingan. Fizik-kimyoviy xususiyatlaridan yuqori haroratga chidamliligi, suvda erishi, qisman suv bilan xaydalishi malum. Tarkibida ...