Bo'g'ozlik fiziologiyasi

Bo'g'ozlik fiziologiyasi Reja: Bo'g'ozlik turlari, davomiyligi. Mo'rtak va homilaning rivojlanishi. Implantatsiya. Homila pardalarining rivojlanishi. Bo'g'oz hayvonlarni parvarishlash va oziqlantirish. Bo'g'ozlik (Graviditas) - urg'ochi hayvon organizmida homilaning rivojlanishi bilan xarakterlanib, tuxum hujayrasining urug'lanishi bilan boshlanadi va etilgan bolani tug'ish bilan tugaydi. Bo'g'ozlik bir bolali va ko'p bolali, birinchi va takroriy (ikkinchi va undan keyingi) bo'lishi mumkin. Katta qishloq xo'jalik hayvonlari bitta bola, mayda hayvonlar ko'p bola beradi. Masalan: sigirlarda egiz bola berish 1-5%, biyalarda 1,5%, echkilarda - 57%, Qo'ylarda - 10-15-40%, ni tashkil etadi. Cho'chqalar 10-12, bazan 17-20 ta, itlar - 7-10 ta, mushuk - 2-5 ta bola beradi. Birinchi bo'g'ozlik - deb hayvonning hayoti davrida birinchi marta bo'g'oz bo'lishi tushuniladi. Yolg'on bo'g'ozlik - echki, cho'chqa, it, mushukularda uchraydi. Hayvonlarda otalanish bo'lmasa ham, bo'g'ozlik belgilari paydo bo'ladi. Sut bezlari kattalashadi, sut hosil bo'ladi, boshqa hayvon bolalarni o'ziga emizishga qo'yadi. kechishiga ko'ra, bo'g'ozlikning fiziologik (ona va bola organizmining normal holati bilan xarakterlanadi) va patologik, yani ona va homila organizmida fiziologik jarayonlarning buzilishi bilan kechadigan turlari farqlanadi. Bo'g'ozlik fiziologik jarayon bo'lib, ona hayvon organizmida qator o'zgarishlar sabab bo'ladi. Bu jarayonlar patologik jarayonlarga juda yaqin bo'lib, kelguvsida o'ziga xos «bo'g'ozlik davri kasalliklari»ga aylanishi ham mumkin. Shu bilan birga, ko'p o'zgarishlar bo'g'ozlikning ona hayvon organizmiga ijobiy ta'sir etishi (birinchi marta tug'ishda g'unojinlar tanasining o'sishi, semizlik darajasining ortishi) bilan kechadi. Homila tizimlari va a'zolarining shakllanishi uchun organizmining to'yimli moddalar va qurilish materiallariga bo'lgan ehtiyoji ona organizmiga tashqaridan tushishi hisobiga qondiriladi. Agar bu moddalar tashqaridan etarli miqdorda tushmasa, unda ona organizmi hisobidan qondiriladi va uning bu birikmalarga ...