Demokratik jamiyatda o'qituvchilik kasbi va unga qo'yiladigan talablar

Demokratik jamiyatda o'qituvchilik kasbi va unga qo'yiladigan talablar Reja: 1.O'zbekiston Respublikasining Prezidenti I.A.Karimov o'qituvchining ijtimoiy jamiyatdagi o'rni haqida. 2.Mustaqil O'zbekiston Respublikasida ta'lim muassasalari xodimlarining ijtimoiy himoyalanishi. 3.O'qituvchilik kasbining tarixiy taraqqiyoti va uning jamiyatda tutgan o'rni. Pedagog Pedagogika (gr. 'παῖς', paіda - bola, gr. 'ἄγω', gogos - yetaklovchi) atamasi qadimiy bo'lib, bola yetaklovchi degan ma'noni bildiruvchi grekcha paydogogos so'zidan kelib chiqqan. Tarixiy manbalarning ko'rsatishicha, qadimgi Yunonistonda o'z xo'jayinining bolalarini sayr qildirgan, ehtiyot qilgan, harbiy mahoratni o'rgatgan tarbiyachini, ya'ni qullarni pedagog (bola yetaklovchi) deb atashgan. Keyinchalik esa, maxsus o'qitilgan va pedagoglikni o'ziga kasb qilib olgan kishilarni pedagog deb atay boshlashgan. O'qituvchi. O'qituvchi, muallim - turli yo'nalishdagi o'rta umumiy ta'lim maktablari, akademik litsey va kasb-hunar kollejlarida o'quvchilar bilan ta'limtarbiya ishlarini amalga oshiradigan mutaxassis. O'qituvchi pedagog, o'rta va oliy ta'lim tizimi xodimi bo'lib, o'quvchi va talabalarni o'qitish bilan shug'ullanadi. O'zbekiston Respublikasining Birinchi Prezidenti Islom Karimov tomonidan 1996-yil 9-sentabrda qabul qilingan Ma'naviyat va ma'rifat jamoatchilik markazi faoliyatini yanada takomillashtirish va samaradorligini oshirish to'grisidagi 1559-Farmoni asosida O'qituvchi va murabbiylar kuni umummilliy bayram sifatida rasman nishonlanib kelmoqda. Ushbu farmon orqali Birinchi Prezidentimiz Islom Karimov ustoz va murabbiylarimizga bo'lgan samimiy munosabati va hurmatini ko'rsatib berdi. Shuningdek, Birinchi Prezidentimiz Islom Karimov tomonidan ustozlarga berilgan ushbu ta'rif ham bugungi kunga qadar o'z ahamiyatini yo'qotmagan. Bu bayram avvalo o'zining bilim va tajribasi, iste'dod va mahorati, insoniy fazilatlarini, ko'z nuri va qalb qo'ri, butun borlig'ini ayamasdan, ma'rifat yo'lida betinim xizmat qiladigan ustoz va murabbiylarimizga nisbatan xalqimizning azaliy hurmat-ehtiromining yaqqol na'munasidir I.A.Karimov Yuksak ma'naviyat yengilmas kuch asaridan O'qituvchi pedagogik faoliyatining asosiy prinsiplari quyidagilardir: ...