Diareya bilan kechadigan kasalliklarning erta tashxisi

Diareya bilan kechadigan kasalliklarning erta tashxisi Reja: O'tkir ichak infeksiyalarini o'rganish tarixini. Diareya (sekretor va invaziv) sindromini etiopatogenezi. Diareya sindromining klinik ko'rinishlari. O'tkir ichak infeksiyalarini (gastrit, gastroenterit, gastroenterokolit, enterokolit, kolit) tashxisoti va qiyosiy tashxisoti Yuqumli kasalliklarda diareya sindromi. Disbakteriozlar. Kalit so'zlar: bolalar, salmonellez, shigellezlar, vabo, esherixiozlar, stafilakokk kasalligi, disbakterioz. Ichak disfunksiyalari uzoq vaqtlardan malum. Gippokrat ichak kasalliklarini 2 ga bo'lgan: diareya - yani ichi suyuq kelishi va dizenteriya asosan qorinda og'riq bilan kechuvchi kasalliklar. Birinchi bo'lib dizenteriyani kuchanuvchi ich ketish deb grek Artey (yer. avvalgi 1 asr) o'rgangan. Dizenteriyaga o'xshash kasalliklar Ibn Sino (X-XI asrlar) yozmalarida keltirilgan. Dizenteriya qo'zg'atuvchisining birinchi vakili 188 yilda o'rganilgan. 1891 yilda Rossiyada A.V.Grigorev mikrobni ajratib olgan, 1891 yilda Shid bu mikroblarni to'liq o'rganib chiqdi. Keyinchalik bu mikroblarni o'rganish borasida S.Foxner (1906) M.I.Shtutser (1916) S.Sonne (1915)lar ish olib borishgan. Esperixiyalar 1885 yilda Esperich tomonidan topilgan va saprofit hisoblangan. 1922 yilda A.Adam patogen shtamini ajratib olgan. Salmonellyoz ancha vaqtgacha go'shtdan zaharlanish deb yuritilgan. 1885 yilda D.F.Salmon va T.Shitx qo'zg'atuvchini ajratib olishgan. Vaboning tabiiy o'chog'i bo'lib, hindistondagi Gang va Braxmanputra daryolari hisoblangan. 1853-1866 yillarda Patsini kasallik rivojlanishida vabo vibrionining rolini ko'rsatib berdi. Rossiyada 1872-74 yillarda E.Nedzvetskiy vibrionni o'rgandi. 1882-84 yillarda R.Kox qo'zg'atuvchining toza kulturasini ajratib olib to'liq o'rgandi. 1906 yillarda El-tor stansiyasida o'lganlardan vabo vibrioni topilgan. Diariya sindromi va uning turlari Diariya bilan kechuvchi kasalliklar hozirgacha bolalar infeksion patologiyasida yuqori o'rin tutib, bolalar o'limining bir sabablaridan hisoblanadi. Diariya bu axlatning sutkasiga 10 g dan ortiq, suyuq holda ajralishi bo'lib, ichakda suv va elektrolitlar so'rilishi buzilishining klinik ko'rinishidir. Patogenezida ...