Dorilarning biosamaradorligini aniqlash usullari

Dorilarning biosamaradorligini aniqlash usullari Reja: 1. Terapevtik noekvivalentlik ifodasi, uni kelib chiqish sabablari. 2. Tabletkalarni biosamaradorligini aniqlash usullari. 3. In vitro mohiyati, unda ishlatiladigan asboblar. 4. Aylanadigan kajava asbobini ishlash mohiyati. 5. In vivo tajribalari mohiyati. 6. Famakokinetik usul mohiyati. 7. Farmakodinamik usul mohiyati. 8. Tayyor dori turlari farmakokinetikasi. Har qanday dori moddani davolay olish ta'siri, uni potentsial xossasi bo'lib, olingan substansiyaga, yordamchi modda turi va miqdoriga, texnologik operatsiyaga, ishlatilgan asbob-uskunalarga, dori turiga bog'liq bo'ladi. Tayyorlangan dori turi tashqi ko'rinishi, qattiq - yumshoqligi ta'sir qiluvchi modda miqdori bo'yicha DF yoki MTH lar talabi to'la javob berishi mumkin, lekin erish testi va organizmga so'rilishi boshqacha bo'lishi mumkin. Terapevtik noekvivalentlik deb, bir xil dori turida (masalan, tabletka), bir xil dozada turli xil firmalar ishlab chiqargan dorilarni har xil biosamaradorlikni namoyon etishiga aytiladi. Bunda bir xil dozadagi dori turi organizmga yuborilganda turlicha terapevtik darajasini ko'rsatadi. Terapevtik noekvivalentlik sababi turlicha bo'lishi mumkin: u substansiyani fizik va kimyoviy holatiga, yordamchi moddalar turi va miqdoriga, texnologik jarayonga, ishlatilgan asbob uskunalar xam ta'siri bo'lishi mumkin. Qattiq dori turlarini terapevtik noekvivalentlik hodisasi tayyor dorilarni tayyorlash, sifatini baholashga boshqacha ko'z bilan qarashni taqozo etadi. Qattiq tayyor dori turi faqatgina DF va MTH talabiga javob berishigina kifoya qilmas ekan, balki dori turi organizmga qanday so'riladi, qondagi qontsentratsiyasi qanday bo'lishini ham hisobga olish kerak ekan. Buning uchun tayyor dorilar organizmga qanday so'rilishi, yani biosamaradorligini bilish lozim. DORILARNI BIOSAMARADORLIGI Tayyor dorilarni biosamaradorligi (BS) tegishli dori turidagi ta'sir qiluvchi moddani umumiy miqdoridan malum vaqt oralig'ida qonga so'rilgan miqdori, so'rilish tezligi va qondagi kontsentratsiyasi ...