Dorivor o'simlik mahsulotlarini farmakogaostik analiz usullari

Dorivor o'simlik mahsulotlarini farmakogaostik analiz usullari Dorivor o'simlik mahsulotlarini farmatsevtika zavodi va dorixonalarda qabul qilish uchun quyidagilarga rioya qilinadi (GOST 6076-51), 1. Qabul qilinayotgan partiyaning tashqi ko'rinishini umumiy tekshirish (odatda hamma o'rinlar birma - bir tekshirib chiqiladi). 2. Dorivor mahsulot upakovkasi ochiladigan joyni tanlash. 3. Qabul qilinayotgan partiyaning bir xilligini va nuqsonnini aniqlash. 4. O'rtacha namuna olish. Agar partiya 5 tagacha bo'lsa, hammasi ochiladi. Agar partiya 10 ta bo'lsa, 5 tasi ochiladi. Agar 10 tadan ko'p bo'lsa, birinchi 5 ta o'ringa qo'shimcha yana har bir 10 tasidan 1 dona ochiladi. Upakovkasi ochilganda dorivor mahsulot rangiga, maydaligiga, namligiga, tozaligi-ga, xidiga, bir xilligi va boshqalarga ahamiyat beriladi. Agar bir xil bo'lmasa, o'sha idishdagi mahsulot alohida analiz qilinadi. Ruxsat etilmaydigan nuqsonlar bo'lsa, brak qilinadi yoki navlarga ajratiladi. 1. Bir sutka shamolatilganda ketmaydigan badbo'y va yot xidi bo'lsa, yoki o'ziga xos xidni yo'qotgan bo'lsa; 2. zaharli o'simliklar aralashmasi bo'lsa; 3. Begona o't yoki mineral moddalarning hamda qush va hayvonlarning chiqindilari ko'p bo'lsa; 4. Dorivor mahsulot mog'orlagan va chirigan bo'lsa; 5. Ombor zararkunandalaridan zararlangan bo'lsa. Dorivor mahsulot birinchi darajada zararlangan bo'lsa, dezinfeksiya qilingandan keyinoq uni ishlatib yuborish lozim. Agar mahsulot ikkinchi va uchinchi darajada zararlangan bo'lsa-yu uni oson tayyorlash imkoni bo'lsa, tashlab yuboriladi, qimmatbaho, tayyorlash qiyin dorivor mahsulotlar tezda tozalanib navlarga ajratilgach ishlatiladi. Ombor zararkunandalari: un kanasi - oq rangli; Ombor uzuntumshug'i - qo'ng'ir rangli; Don qayroqchisi - qo'ng'ir rangli; Ombor kuyasi - katta zarar keltiradi. Dorivor mahsulotlarning zararlanganligi darajasini aniqlash uchun ularni teshigini diametri 0,5 mm (kanalar uchun) yoki 2,5 mm (uzun tumshuq uchun) ...