Ekstrapiramida tizimi - tuzilishi, vazifasi, patologiyasi

Ekstrapiramida tizimi - tuzilishi, vazifasi, patologiyasi Reja: Po'stloq osti markaziy o'zaklarining anatomo - gistologik tuzilishi. Po'stloq osti tugunlarining gistologik tuzilishi. Strio-pallidar tizimning markaziy nerv Tizimining boshqa qismlari bilan bo'lgan Aloqalari Ekstrapiramidal tizimning qon bilan ta'minlanishi Ekstrapiramida tizimining Fiziologiyasi Pallidumning jarohatlanish belgilari Targ'il tananing jarohatlanish sindromi Bosh miya po'stlog'ining ixtiyoriy harakat sohasi va undan orqa miyaga yo'naluvchi yo'llar (piramida sistema) to'g'risidagi ma'lumotlarning to'planishi va boyishi ekstrapiramida tizimiga mos bo'lgan ilmiy tushunchalarning kelib chiqishiga sabab bo'ldi. Ekstrapiramida tizimi nomining asl manosi shuki, bu tizimning orqa miya bilan bo'lgan aloqa yo'llari piramida tizimiga dahli yo'q, undan tashqari demakdir. Aslida ekstrapiramida tizimi, piramida tizimiga tegishli bo'lmagan, miya so'g'onining o'rta qavati (tegmentum) va to'r formatsiya bilan bog'liq bo'lgan pastga yo'naluvchi yo'llar orqali orqa miya bilan aloqa qiladi. To'r formatsiyada joylashgan (oraliq) neyronlar markaziy nerv tizimining o'tkazuvchi yo'llarini bog'lab, ulardan impulslarni o'tishini uzib turish (rele) vazifasini bajaradi, retikulospinal yo'l esa ekstrapiramida tizimining umumiy va yakunlovchi yo'li hisoblanadi. Ekstrapiramida tizimi tarkibiga: Dumli o'zak (nucllus caudatus). Yasmiqsimon o'zak (nucllus lenticularis). Bodomsimon tana (sorrus amygdaloideum) - bosh miya chakka bo'lagining pastki pushtasining (gyrus temporalis interior) oldingi ilmoq qismida (unsus) joylashgan. To'siq-ixota (claustrum). Qizil o'zak (nucllus ruber). Qora modda (substantia nigra). Subtalamik o'zak (nucllus subthalamicus). Bosh miya po'stlog'ining premotor sohasi - Brodmanning 6maydoni ham kiradi. Bu maydondan ekstrapiramida tizimiga ketuvchi efferent yo'llar borligi shubxa tug'dirmaydi, lekin bu yo'llarning qaerdan o'tib borishi hali aniqlangan emas. Ammo 6maydon bilan pallidumni (O.S.Valshonok, Z.Yu.Ovoshnik, 19361947), qora modda, talamusni (ko'ruv bo'rtig'i) va gipotalamusni bog'lab turuvchi tolalar aniqlangan (Zevin, Peterson, 1944). (1952) Neyrosonografik tekshirishlari natijasida miya ...