Elektrokardiograf apparatining ishlash prinsipi

Elektrokardiograf apparatining ishlash prinsipi Reja: 1. Elektrokardiografiya va elektrokardiograf haqida ma'lumot. 2. EKG elektrodlarining joylashuvi 3. EKG jarayoniga tayyorgarlik 4. Xulosa 5. Foydalanilgan Adabiyotlar. Elektrokardiografiya - yurak mushaklarining qisqarishi paytida paydo bo'ladigan potentsial farqni fiksatsiya qilish va grafik ko'rinishga asoslangan holda yurakning elektrofiziologik faoliyatini o'rganish usuli. Bu usul gollandiyalik olim W.Eyntxovеn (1860-1927) tomonidan ishlab chiqilgan. Bu usul yordamida yurakning turli patologik holatlari aniqlanadi. Yurak kasalliklarini aniqlashda bu usul juda qulaydir. Elektrokardiografiya yurakning quyidagi ko'rsatkichlarini baholashga imkon beradi: Yurakning elektr faoliyati; Muntazam yurak urishi; Yurak urish tezligi; Yurakning o'tkazuvchanligi. Qayd etish maxsus diagnostika asbobi - elektrokardiograf orqali amalga oshiriladi. Elektrokardiograf qog'oz tasmasiga qayd etgan yozuv elektrokardiogramma (EKG) deb ataladi. Yurakning sinusli tugunida generatsiya bo'lgan elektr impulslar yurakning o'tkazish sistemasi va miokard orqali tarqalib yurak mushaklarini tartibli qisqarishiga olib keladi va undan odam badani bo'ylab tarqaladi. Qo'l, oyoq va ko'krak yuzasiga joylashtirilgan elektrodlar yordamida yurakdan kelgan elektr potensiallar olinib, elektrokardiografga beriladi. Elektrokardiograf shu potensiallarni kuchaytirib, qayd etish qurilmasiga ( registratorga) chiqarib qog'oz tasmasiga yozib beradi. Olingan elektrokardiogramma turli uzunlikdagi va balandlikdagi tishlarni o'z ichiga oladi, ular yurak impulslarini aks ettiradi. EKG kardiolog tomonidan o'qiladi. Deshifrlashda yurak urish tezligi, qisqarish oralig'i va yurak ishining boshqa ko'rsatkichlari baholanadi. EKG elektrodlari yurak biopotentsialining elektr faolligi to'g'risida ma'lumot beruvchi maxsus qurilmalardir. Ular EKGni olish jarayonining muhim qismi bo'lib, bemorning terisi bilan aloqa qilishni ta'minlaydi. Uning tanasi biosignal sifatida ishlaydi va elektrokardiograf apparati esa mahkamlash moslamasi hisoblanadi. Ma'lumot olingan ma'lumotlarni kerakli shaklga aylantirishni ta'minlaydigan maxsus sensorga yuboriladi. EKG elektrodlarining standart to'plami 6 ta nok elektrodlari va 4 ...