Epizootologiya va infeksion kasalliklari

Epizootologiya va infeksion kasalliklari Reja: Infeksion kasalliklarning chorvachilikka etkazadigan iqtisodiy zarari. Infeksion kasalliklarni davriylik bosqichlari, kelib chiqishida mikroblarning va tashqi muhitning ahamiyati, Epizootik jarayon hamda epizootiya go'g'risida tushuncha. Tayanch iboralar: Umumiy, xususiy, mikrob, infeksiya, epizootik o'choq, immunitet, iqtisodiy zarar, diagnoz, davolash, infeksiya turlari, yuqumli kasalliklar tasnifi, profilaktika, dezinfeksiya, kasallik davrlari, epizootik jarayon, kasallikni o'tish shakllari va x.k. Epizootologiya - epizootik jarayon qonuniyatlari, infeksion kasalliklarni paydo qiluvchi sabab hamda sharoitlarni, infeksiya tarqalish yo'llarini o'rganib infeksiyaga qarshi kurash va oldini olish tadbirlarini ishlab chiqadigan fan. Bu fan umumiy va xususiy epizootologiyaga bo'linadi. Umumiy epizootologiya - epizootiya paydo bo'lishi, rivojlanish va tugash qonuniyatlarini hamda yuqumli kasalliklarning oldini olish va tugatishda zarur bo'lgan umumiy tadbirlarni ishlab chiqadi. Xususiy epizootologiya - ayrim yuqumli kasalliklarni paydo qiluvchi sabab va sharoitlarni, kasallik belgilari, o'tishi, oqibati, patologoanatomik o'zgarishlari va shu kasallikka qarshi o'tkazilishi zarur bo'lgan oldini olish va kurash tadbirlarini o'rganish bilan shug'ullanadi. Epizootiyadan ko'raladigan iqtisodiy zarar - qishloq xo'jalik hayvonlarida uchraydigan kasalliklardan ko'riladigan iqtisodiy zararlarning uncha katta bo'lmagan ulushi yuqumli (infeksion) kasalliklarga go'g'ri keladi. Yuqumli kasalliklarning oldini olish va ularni yuqotishdagi katta-katta yutuqlarga qaramasdan, chorvachilikda bazan ulardan katta iqtisodiy zarar ko'rmokda. U kasallangan hayvonlarning o'lishi, mahsuldorligining kamayishi, bola tashlashi, davolash, karantin tadbirlarini o'tkazishga infektsini tugatishga sarflanadi. Hozirgi kunda 150 dan ortiq infeksion kasalliklarning hayvon va odamlar uchun umumiy ekanligi aniqlangan. Demak, infeksion kasalliklarni o'z vaqtida aniqlash, oldini olish va ular bilan kurash katta iqtisodiy, ijtimoiy hamda siyosiy ahamiyatga ega. Infeksiya deganda tashqi muhit sharoitida hayvon organizmi va patogen mikrob - kasallik qo'zg'atuvchi orasida vujudga keladigan murakkab biologik ...