Farmakologiya asoslari

Farmakologiya asoslari Reja: Veterinariya farmakologiyasining asosiy vazifalari. Dorilarning organizmga ta'siri, dorilar va ularning xillari. Dorilarning kumulyatsiya xususiyatlari, biostimulyatorlar. Dorilarni saqlash va ulardan foydalanish tartiblari Tayanch iboralar: Farmakologiya ta'rifi, turlari, retsept, dori turlari, shakllari, sinergizm, antagonizm, kumulyatsiya, biostimulyatorlar, antibiotiklar, sulfanilamid preparatlari, vita'minlar va x.k. Farmakologiya - dori moddalar, ularni xossalari, kasal va sog'lom organizmga ko'rsatadigan ta'sirini o'rganadigan fan. Bu fan dori moddalarning fizik va kimyoviy xossalarini hamda organizmga ko'rsatadigan fiziologik ta'sirini, shuningdek kasal hayvonlarni davolash va oldini olishda ishlatish usullarini o'rganadi. Farmakologiya asosan quyidagi vazifalarni bajarish uchun xizmat qiladi: Farmakoterapiya - kasal mollarni dorilar yordamida davolash. Farmakoprofilaktika - kasallikni oldini olish. Farmokostimulyatsiya - dorilar ta'sirida mollarning o'sishi va mahsuldorligini oshirish. Farmokoregulyatsiya - dorilar ta'sirida ayrim organ va tizimlarining faoliyatini boshqarish. Immunofarmokologiya - dorilar ta'sirida organizmning rezistentligini ko'paytirish. Yangi, arzon, ishlatishga qulay va har tomonlama foydali dorilarni izlab topish. Organizmga bir vaqtning o'zida ikki va undan ko'prok turdagi dorilarni yuborishga kombinatsiya qilib davolash deyiladi. Bu paytda dori moddalarning bir-biriga mos kelishi kelmasligiga etibor berishi lozim. Sinergizm - ikki va undan ortiq dori moddalarning bir xil fiziologik yo'nalishda ta'sir etishidir. Bunda dorilar bir-birining ta'sirini kuchaytiradi. Antogonizm - bir xil dorining ta'sir qilishini ikkinchi xildagi dori to'liq bartaraf etadi, yani dorilarning qarama-qarshi ta'sir qilishidir. Kumulyatsiya - dorilarning organizmdan ajralib chiqishining sekinlashishi natijasida to'qimalarda to'planib, ta'sir kuchining oshishiga aytiladi. Kasallangan hayvonlarni davolash maqsadida ishlatiladigan maxsus preparatlar - dori moddalar deyiladi. Dori sifatida organizm a'zolari uchun zararsiz, shuningdek achchiq-zaharlar ham ishlatiladi. Zahar bilan dorining bir-biridan farqi uncha katta emas, ko'pincha ularni bir-biridan farq qilib bo'lmaydi. Veterinariya ...