Hamshiralik kasallik tarixi. Hamshiralik amaliyotida shaxslararo muloqot ko'nikmalari

Hamshiralik kasallik tarixi. Hamshiralik amaliyotida shaxslararo Muloqat ko'nikmalari HAMShIRALIK JARAYoNI. HAMShIRALIK tashxisI. HAMShIRALIK KASALLIK TARIXI Hamshiralik jarayoni zamonaviy hamshiralik ishi modelining asosiy va ajralmas tushunchalaridan hisoblanadi. Bu islohat konsepsiyasi 50-yilning o'rtalarida AQSHda yuzaga keldi va klinik sharoitlarda to'rt o'n yilliklar davomida baholanib, maqsadga muvofiqligini to'liq isbotlay oldi. Hozirgi vaqtda hamshiralik jarayoni hamshiralik yordamining ilmiy asosini ishlab chiqib, hamshiralik ta'limi va amaliyotining o'zagi hisoblanadi. 199 yilning iyunida HXKning (hamshiralarning xalqaro kengashi) maxsus komissiyasi HXKning 100 yilligiga bag'ishlangan Londonda bo'lib o'tgan xalqaro konferensiya a'zolariga hujjatning ikkinchi taxririni havola etdi. Hujjatning to'liq nomi - Hamshiralik amaliyotining xalqaro klassifikatori HAXT yoki International classification for Nursing practice (ICNP). Hamshiralik ishi uchun uning ahamiyatini katta. HAXT - tibbiy hamshiralarning mutaxassislik tilini standartlashtirish, hamshiralik amaliyotini hujjatlashtirish, kadrlar tayyorlash uchun zarur bo'lgan kasbiy axborot quroli. Hamshiralik jarayoni - tibbiy hamshiraning sistematik ketma-ketlikda amalga oshiradigan kasbiy parvarishi. Hamshiralik jarayoning maqsadi - organizmning asosiy ehtiyojlarini qoniqtirishda bemorning mustaqilligini qo'llab-quvvatlash va tiklash bo'lib, quyidagi masalalarni hal etish bilan amalga oshiriladi: Bemor haqidagi axborot ma'lumotlar bazasini yaratish; Bemorning tibbiy xizmat ko'rsatishdagi ehtiyojlarini aynan tenglashtirish; Bemor ehtiyojlariga mos keladigan parvarish rejasini tuzish va parvarishni amalga oshirish; Bemorni parvarish qilish jarayonining samaradorligini aniqlash va bemorga tibbiy xizmat ko'rsatish maqsadiga erishish. Hamshiralik jarayoni birin-ketin amalga oshiriladigan 5 ta bosqichdan iborat: bemorni tekshirish; uning ahvolini tashxislash; bemorga zarur bo'lgan yordam rejasini tuzish; hamshiralik aralashuvlarini amalga oshirish; olingan natijalarni baholash. Hamshiralik jarayonining yakunlovchi natijasi olingan natijalarni hamshiralik kasallik tarixiga hujjatlashtirish hisoblanadi. Hamshiralik kasallik tarixi - bu hamshiraning mustaqil kasbiy faoliyati doirasidagi yuridik hujjat. HKT ning maqsadi - ...