Ichki yuqumsiz kasalliklar

Ichki yuqumsiz kasalliklar Reja: Ichki yuqumsiz kasalliklarning umumiy tavsifi va ularning iqtisodiy zarari Yurak - qon aylanish a'zolarining kasalliklari - travmatik perikardit, miokardit, endokardit, yurak klapanlari nuqsonlari (poroklari) kasalliklarining sabablari, klinik belgilari, diagnozi, davolash va oldini olish choralari. Nafas olish tizimi a'zolarining kasalliklari - rinit, laringit, bronxitlar, pnevmoniya va uning turlari. O'pka emfizemasi, plevrit kasalliklarining sabablari, klinik belgilari, diagnozi, davolash va oldini olish choralari. Tayanch iboralar: Kasalliklar ta'rifi, etiologiya, patogenezi, klinik belgilari, diagnozi, davolash choralari, miokardit, endokardit, travmatik perikardit, yurak nuqsonlari, Burun bo'shlig'i, hiqildoq, bronxlar, o'pka, plevra, rinit, laringit, bronxit, pnevmoniya, plevrit, o'pka emfizemasi Ichki yuqumsiz kasalliklar to'g'risidagi fan terapiya bo'lib, organizmda uchraydigan har xil ichki kasalliklarni, jumladan, yurak va qon aylanishi, nafas olish, ovqat hazm qilish, nerv va hokozo tizimlarning kasalliklarini o'rganadi. Ichki yuqumsiz kasalliklarni o'rganganda ularni tizimlarga bo'lish sun'iy bo'lib, bu kasallikni aniqlashda va uni davolashda veterinariya mutaxasisiga engillik keltiradi. Veterinariya ma'lumotlariga ko'ra hozirgi vaqtda ichki yuqumsiz kasalliklar jami kasalliklarning 8085% ni tashkil qiladi. Ichki yuqumsiz kasalliklar ichida oshqozon va ichak kasalliklari 36,5% va o'pka kasalliklari 26,8% ni tashkil qiladi. Kasalliklarning oldini olishda veterinariya mutaxassislarining dastlabki vazifasi davolashga alohida etibor berishdir. Kasalliklarning oldini olish choralarining natijali bo'lishi, avvalo zootexniya ishlari, jumladan, hayvonlarning go'g'ri oziqlanishi, parvarish qilinishi, naslchilik ishlari va hayvonlarni ishlatishga bog'liqdir. Kasallikning oldini olish uchun avvalo uning etiologiyasi va patogenezini bilish kerak. Ichki yuqumsiz kasalliklarning kelib chiqishi oziqlantirish, zoogigiyenik talablarga bog'liq bo'ladi. Ichki yuqumsiz kasalliklarni o'rganishda umumiy patologiya asoslarini va I.P.Pavlovning organizm butunligi nazariyasini o'rganish katta ahamiyatga ega. Ichki yuqumsiz kasalliklarga: 1. Yurak qon tomir a'zolarining kasalliklari ...