Indol. Piridin, piperidin alkalodlari, ularni narkologik va toksikologik ahamiyati, tahlil usullari

Indol. Piridin, piperidin alkalodlari, ularni narkologik va toksikologik ahamiyati, tahlil usullari Reja: Indol hosilasiga kiruvchi alkaloidlar Piridin, piperidin va xinolizidinhosilalarini saqlagan alkaloidlar. Indol hosilasiga kiruvchi alkaloidlar STRIXNIN Strixnin alkaloidi kuchala (chilibuxa) o'simligi va boshqa o'simliklarda brutsin alkaloidi bilan birgalikda uchraydi. Strixninni 1818 yilda fransuz olimlari ajratib olishgan. Kuchala o'simligida uning miqdori 1,5-5% ga etadi. Hozir sintezlab olinadi. Strixnin eng zaharli modda hisoblanadi. Strixnin sulfat tuzi suvda (1:50) va etil spirtida (1:135) yaxshi eriydi, efir va xloroformda yomon eriydi. Qo'llanilishi va toksikologik ahamiyati. Tibbiyotda strixnin nitrati va (chilibuxa) spirtli tindirmasi darmonsizlikda, qon bosimi pasayganda, yurak faoliyati susayganda, modda almashinuvi buzilganda va organizm darmonsizlanganda qo'llaniladi. Strixnin markaziy nerv to'qimalari faoliyatini qo'zg'otadi, reflekslar sezuvchanligini oshiradi. Strixnin bilan zaharlanganda organizmda u markaziy nerv faoliyatiga qo'zg'otuvchi ta'sir etadi va tez qaytariladigan tetanik tirishish alomatlari yuz beradi, nafas olish qiyinlashadi, badanda kuchli og'riq va ko'z qorachig'i kengayishi kabi belgilar xarakterli. Falajlanishdan o'lim sodir bo'ladi. Terapevtik miqdorda strixnin sezish a'zolari ishini yaxshilaydi. Qon tomir va nafas olish markazini qo'zg'otadi, muskullar tonusini hamda modda almashuvini tezlashtiradi. Strixnin alkaloidi bazi aralashmalar holida kalamush va bo'ri kabi yirtqich hayvonlarga qarshi qo'llanadi. Strixnin bilan zaharlanganlarning 35 % halok bo'ladi. Inson organizmi uchun strixninning haloqatga olib boruvchi eng kam miqdori yosh bolalar uchun 0,015-0,03 g ni kattalar uchun 0,05-0,25 g ni tashkilqiladi. . Strixnin bilan zaharlanish ayniqsa jigar, buyrak, yurak xastaligi va bolalar kasalliklarida havfli hisoblanadi. Strixnin ta'sirida o'lgan odam murdasini patologo-anatomik tekshirilganda hech qanday xarakterli belgi yo'q. Sud kimyosida strixninga tekshirish olib borish uchun, odatda murdaning ichki a'zolari: jigar, buyrak, oshqozon ...