Jinsiy tarbiya

JINSIY TARBIYA REJA: Jinsiy tarbiya umumaxloqiy tarbiya. Jinsiy gigiyena va unga rioya qilish. O'smirlik davri psixologiyasi Jinsiy tarbiya umumaxloqiy tarbiyaning ajralmas qismi bo'lib, uning asosiy vazifasi yosh avlodni zurriyot qoldirish sir-asrorlaridan bekamu-ko'st xabardor etishdan iborat. Shartli ravishda, balog'at yoshiga yetmaganlar hamda rasida (uyg'onish pallasida) bo'lganlar jinsiy tarbiyasini tafovut qilish mumkin. Hozirgi kunda bolalarimiz akselerastiya (lotincha - tezlashish, erta rasida bo'lish)ga muvofiq holda erta jinsiy balog'atga etmoqdalar. U qizlarda 9 yoshdan, o'g'il bolalarda esa 11 yoshdan boshlanib, jinsiy tarbiya olib borishda qiyinchiliklar tug'dirmoqda. Jinsiy tarbiyaning birinchi bosqichi bolalarni erta balog'atga etishga olib keladigan sabablar ta'siridan saqlashga yo'naltirilgan bo'lishi lozim. Jinsiy tarbiyaning ikkinchi bosqichi bolaning balog'atga etgan davridan boshlanib, bu davr qizlarda yigitlarga nisbatan 2-3 yil oldin boshlanadi. Jinsiy balog'at - tegishli a'zolar biologik jihatdan etilgan, ko'payish hamda nasl qoldirishga qodirligidan darak beruvchi o'zgarishlar paydo bo'ladigan davrdir. Shu davrdan boshlab bolaning jinsiy tarbiyasiga alohida e'tibor berish lozim. Jinsiy tarbiya umumaxloqiy tarbiya Jinsiy gigiyena va unga rioya qilish So'nggi yillarda ba'zi rivojlangan mamlakatlarda Xalq pedagogik harakati yuzaga keldi. Ularning maqsadi yoshlarni mustaqil fikr yuritishga, ongli ish tutishga va o'zini xalq xizmatiga batamom bag'ishlashga qodir kishilar qilib etishtirishdir. Bu harakat ota-onalar, tarbiyachilar, o'qituvchilar, shifokorlarning mustahkam ittifoqi o'laroq faoliyat olib boradi. Ularning har biri yoshlar umumtarbiyasining ma'lum bir qismi bilan shug'ullanishni o'z zimmasiga olgan. Misol uchun, tarbiya bilan asosan o'qituvchilar va tarbiyachilar shug'ullansalar-da, umumtarbiyaning bir qismi bo'lgan jinsiy tarbiyaning bekamu ko'st bo'lishi uchun shifokorlar ham o'z hissalarini qo'shadilar. Jinsiy tarbiya - umumaxloqiy tarbiyaning ajralmas tarkibiy qismi bo'lib, u ba'zilar o'ylagandek, farzand balog'at yoshiga etgan davrdan emas, bil'aks uning murg'ak davridanoq boshlanishi kerak. Amerika olimi A.Kinzining kuzatishicha, jinsiy hissiyotlarga o'xshash his-tuyg'ularni ilk bora sezish qizlarda 4 oylikdan, o'g'il bolalarda esa 5 oylikdan boshlanib, u xuddi kattalar organizmidagi fiziologik o'zgarishlarga o'xshab ketar ekan. Olimlarning kuzatishlaricha, bolalarning erta jinsiy balog'atga etishiga asosan, quyidagilar sabab bo'layotir: Birinchidan, bir yarim, ikki yoshdan oshgan bolalar ko'rganlarini eslab qolishi mumkinligini ba'zi ota-onalar tushunmaydilar. Ikkinchidan, bola tug'ilgandanoq uning jinsiy a'zolarini toza tutish lozimligi unutiladi. Jinsiy gigiyenaga rioya qilmaslik tashqi jinsiy a'zolarning bulg'anishiga olib keladi. Unga yuqumli manbaning tushishi esa kasalliklarni keltirib chiqarish bilan xatarlidir. Uchinchidan, bolaning jundan to'qilgan har xil dag'al, badanni qichitadigan kiyim-kechaklar kiyishi, tos atrofi va chot orasi kiyimlarining tor bo'lishi, bolaning tuvakda uzoq o'tirishi kabi holatlar ham jinsiy a'zolarda qon dimlanishiga sabab bo'ladi. To'rtinchidan, ko'pchilik ota-onalar bolalarini erkalatib qitiqlashadi, orqasiga shappatilab urishadi yoki me'yoridan ortiq bag'riga bosib, o'pib erkalashadi. Beshinchidan, bolaning uyqu oldidan kakao, shokolad kabi zo'riqtiruvchi ovqatlar ko'p iste'mol ...