Jinsiy yo'l bilan yuqadigan kasalliklar

JINSIY YÖL BILAN YUQADIGAN KASALLIKLAR REJA: 1. Zaxm kasalligi uni davolash. 2. So'zak kasalligi va uning asoratlari. 3. Xlamidioz qanday kasallik? 4. Gerpes-viruslar qo'zg'atadigan kasallik. 5. Trixomoniaz haqida qisqacha. 6. Xulosa. Zaxm Sababi: Zaxm (sifilis, grekcha sifilis Luis) surunkali yuqumli tanosil kasalligi bo'lib, uni oqish treponemalar qo'zg'atadi. Yuqish yo'llari - odamga shikastlangan teri va shilliq qavatlar orqali tushadi. U bemor qonida, terisidagi yarada, limfa tugunlarida, orqa miya suyuqligida, so'lagida nerv to'qimalarida va umuman hamma a'zolarida, hatto zaxm bilan og'rigan ayol sutida yoki erkakning shaxvati (sperma)da ham bo'ladi. Zaxm bilan og'rigan bemor kasallikning aktiv davrida atrofdagilar uchun g'oyat yuqumli hisoblanadi. Bemor «zaxm»ni jinsiy aloqa paytida va sog'lom kishiga o'pishganda yoki idish tovoqlar, boshqa predmetlardan foydalanilganda yuqtiradi. So'nggi yillarda kasallikning ko'pincha jinsiy aloqa paytida, qon quygan vaqtida o'tishi ko'proq kuzatilmoqda. Belgilari: Zaxmning inkubatsion (yashirin) davri rangpar treponemalar organizmga tushganidan to qattiq yara shakllanguncha bo'lgan davrni o'z ichiga oladi. Bu davr o'rta hisobda bir oyni tashkil etadi. Eng qisqa yashirin davr 2 haftadir, bu hol organizmning qarshilik ko'rsatish qobiliyati keskin pasayib ketgan bemorlarda (kamqonlik, og'ir yuqumli kasalliklar, sil, qand kasalligi, jarrohlik muolajalaridan so'ng va hokazo) kuzatiladi. Zaxmning birlamchi davrida - birlamchi sifiloma (qattiq shankr) paydo bo'lib to teri va shilliq kavatlarda ikkilamchi zaxmga xos toshmalar toshishiga qadar bo'lgan davr 6-7 haftani tashkil qiladi. Qattiq shankr paydo bo'lgach 5-7 kun o'tgach yaqinda joylashgan regional limfatik tugunlari kattalashadi, Ushbu davrda qonning vasserman analizi manfiy bo'lib, 4 xafta o'tgach musbat (+) ko'rsatadi. Bemorlar darmon qurishi 20%, bosh, bo'g'im og'riydi, ishtaha yo'qoladi, uyqusizlik kuzatiladi. Zaxmning ikkilamchi davri ...