Kavsh qaytaruvchi hayvonlarni yuqumli kasalliklari

Kavsh qaytaruvchi hayvonlarni yuqumli kasalliklari Reja: Qorason kasalligini ta'rifi, qo'zg'atuvchisi, klinik belgilari, diagnozi, davolash va oldini olish choralari. Yuqumli vaginit kasalligini ta'rifi, qo'zg'atuvchisi, klinik belgilari, diagnozi, davolash va oldini olish choralari. Vibrioz kasalligini ta'rifi, qo'zg'atuvchisi, klinik belgilari, diagnozi, davolash va oldini olish choralari. Bradzot va yuqumli enterotoksemiya kasalliklarini ta'rifi, qo'zg'atuvchisi, klinik belgilari, diagnozi, davolash va oldini olish choralari. Tayanch iboralar: Kasallik ta'rifi, qo'zg'atuvchi, iqtisodiy zarar, patogenez, klinik belgi, diagnoz, davolash, oldini olish va x.k. Qorason (emkar) - yirik shoxli mollarga xos o'tkir o'tuvchi yuqumli kasallik bo'lib, anaerob mikroblardan klostridium shavo qo'zg'aydi. Kasallik tananing muskullarga boy qismlarida qirsildoq tovush paydo qiluvchi, tez kattalashadigan gazli shishning paydo bo'lishi, isitmaning ko'tarilishi, nafasning izdan chiqishi, yurak qon tomirlar faoliyatini kesqin zaiflashishi bilan namoyon bo'ladi. Tarqalishi - barcha mamlakatlarda uchraydi. O'zbekistonda qorasonga qarshi maxsus rejali oldini olish tadbirlari o'tkazilib turilganligi sababli u sporadik ko'rinishda paydo bo'ladi. Iqtisodiy zarari - qorasonning xo'jalikka keltiradigan zarari katta bo'lishi mumkin. Kasallangan hayvonni o'lishi, kasallikka qarshi karantin va kurash chorlariga ketadigan mablag'lardan iborat. Qo'zg'atuvchisi - anaerob, mikrob klostridaum shavo tomonlari qayrilgan 2-6x0,5-0,7 mm kattalikdagi tayoqcha, u spora hosil qiladi. Kuchli zahar bilan agressin ajratadi. Kislorodsiz muhitda +36 - 380S yaxshi o'sadi. Spora uni tashqi muhit ta'siridan saqlaydi. Shuning uchun tuproqda 10 yilgacha yashashi mumkin. Dezinfektor eritmalar ta'sirida tezda o'ladi. Kasallik epizootologiyasi - bu kasallik bilan qoramol, buzoq, qo'y kasallanadi. Qoramollar asosan Z-oylikdan to 4 yoshgacha bo'lganlari kasallanadi. Bu kasallik bilan haddan tashqari semiz bo'lgan mollar ko'proq kasallanadi. Qorason infeksiyasining asosiy manbai kasal hayvondir. Mol kasallanib o'lganidan keyin uning og'zidan, burnidan, ...