Klinik diagnostika asoslari

Klinik diagnostika asoslari Reja: Klinik tashxis to'g'risida tushuncha va uning vazifalari Kasalliklarning simptomi va sindromlari. Tashxis to'g'risida tushuncha. Hayvonlarni umumiy va maxsus tekshirish usullari. Hayvonni ko'zdan kechirish, anamnez yig'ish, palpatsiya, perkussiya, auskultatsiya va termometriya. Tayanch iboralar:Klinik diagnostika, asosiy, maxsus va qushimcha tekshirish usullari, ko'zdan kechirish, anamnez yig'ish, palpatsiya, perkussiya, auskultatsiya, termometriya, zondlash, katetrlash, EKG, rektoskopiya, rentgenoskopiya, endoskopiya v ax.k. Klinik diagnostika - kasalliklarni aniqlash usullarini o'rganish bilan shug'ullanadigan fan. Kasalliklar odatda klinik belgilariga yani funksional va anatomik o'zgarishlariga qarab aniqlanadi. Bunda kasal hayvonlar turli usullari bilan tekshiriladi. Biror bir azoda funksional va anatomik o'zgarishlar paydo bo'lsa kasalning belgilari yoki simptomlari deyiladi. Bir necha simptomlarning yig'indisi simptomokompleks yoki sindrom deyiladi. Bunga isitma, sanchiq va boshqalar misol bo'ladi. Kasallikni aniqlash (diagnoz kuyish) - darajasi har xil bo'lishi mumkin. Eng tug'ri diagnoz kasallikning sabablari va uning xarakterini aniqlashdir. Bunday aniq diagnozga qoramollar yurak pardasining yaralanishi yani travmatik perikardit, o'pka exinokokkozi misol bo'ladi. Kasallikning paydo bo'lish sababi, xarakteri va joyi aniqlangandan keyin faqat zararlangan azo davolanmay, balki a'zolarning umumiy holatini etiborga olish zarur. S.P.Botqin «Kasallikni emas, balki kasal organizmni davolash lozimdir» degan. Chunki biron azo kasal bo'lganida u albatta boshqa a'zolarning faoliyatiga ta'sir qiladi. Diagnoz qo'yishda yo'tal, sanchiq, nafas kaytish, oqsoqlanish, ich ketish, ich qotish kabi holatlarga kasallik deb diagnoz qo'yish kerak emas, chunki bu kasallik belgilari hisoblanadi. Biror kasallik boshqa biriga o'xshasa, tekshirishlar natijasiga asoslanib ular bir-biridan ajratilishiga differensial diagnoz deyiladi. Veterinariya amaliyotida ko'pincha kasallikning oqibati qanday bo'lishini vaqtida yoki oldindan bilishga prognoz deyiladi. Prognoz qo'yidagicha bo'lishi mumkin. Yaxshi - tuzaladigan, kasal hayvonning ...