Koordinator doira - tuzilishi, vazifasi, tekshirish usullari, patologiyasi va zararlanish sindromlari

Koordinator doira - tuzilishi, vazifasi, tekshirish usullari, patologiyasi va zararlanish sindromlari Reja: Miyacha o'zaklari. Miyachani fiziologiyasi: Miyachani tekshirish usullari va patologiyasi. Miyacha zararlanishining belgilari Bolalarda harakat koordinatsiyasini tekshirish Miyacha ontogenez davrida rombsimon miya pufagining orqa devoridan taraqqiy etadi, shuning uchun miya so'g'onini orqasida, bosh miyaning ensa bo'lagi ostida joylashib, undan miyachani chodiri (tentorium cerebelli) bilan ajralib turadi. Miyacha bola tug'ilish davrida 50 grammga, katta odamda esa 150 grammga teng. Miyacha ellipsoid yoki qo'ziqorinsimon shaklga ega bo'lib, uning uchta: tepa, past va oldingi yuzalari bor. Oldingi yuzasi 4qorinchani tomini tashkil qiladi va uni ko'rish uchun miyachani miya so'g'onidan ajratish kerak. Miyacha ikkita - chap va o'ng yarim sharlar va ularni biriktirib turuvchi o'rta qismi - chuvalchangdan iborat. 41- rasm. Miyacha. Chuvalchang Miyacha yarim shari 4-qorincha Miyacha yuqori oyoqchasi Miyacha o'rta oyoqchasi Miyachani pastki oyoqchasi Miyacha bodomchalari Oldingi filo va ontogenez ma'lumotlariga ko'ra miyacha chuvalchangi oldin yuzaga kelgan eski, miyacha yarim sharlari esa keyin paydo bo'lgan yangi qismga kiritilgan. Hozirgi vaqtda esa miyacha uzunasiga emas, balki ko'ndalang uchta bo'limga bo'linadi: oldingi, o'rta va orqa bo'limlar. Oldingi va orqa bo'lim eski miyacha, o'rta bo'lim esa yangi miyacha tarkibiga kiradi. Yarim sharlar va miyacha chuvalchangi termini faqat miyachani markaziy yoki periferik bo'limlarini ifodalash uchun ishlatiladi. Miyacha ikki xil - oq va kulrang moddadan iborat. Kulrang modda nerv hujayralari to'plamidan iborat bo'lib, miyachani tashqi qismini tashkil qiladi va miyacha po'stlog'i deb ataladi, u 1-2 mmga teng bo'lib uch qavat hujayralardan iborat. Tashqi molekulyar qavatda katta va kichik yulduzsimon hujayralar joylashgan. Bular orasida savatsimon Goldji hujayralarini ...