Nevroz va uning yuzaga chiqish sabablari va oqibatlari

Nevroz va uning yuzaga chiqish sabablari va oqibatlari ReJA: Nevroz haqida tushuncha Nevroz alomatlari Fobiya Nevrozlar Nevroz so'zini fanga birinchi bo'lib shotland shifokori Kellen 1776-yilda olib kirgan. Nevroz - bu markaziy asab tizimining funksional kasalligi hisoblanadi. Nevrozlarning kelib chiqish sabablari ko'p va turli-tuman bo'lib, markaziy asab tizimiga har xil stresslarning ta'siri natijasida paydo bo'ladi. Hozirgi paytda axborotning ko'pligi va odamlarning kam harakat qilishi natijasida, ruhiy jarohatlarning ko'pligi irsiy va genetik moyilliklar, tez-tez kasallikka chalinib turish, har xil vahimali, qo'rqinchli videofilmlarni ko'rish nevrozlarga olib keladi. Bundan tashqari, oilada, uyda va ishxonadagi stress holatlar, janjallar va surunkali oshqozon - ichak kasalliklari, yurak qontomir kasalliklari hamda alkogolizm ta'siri natijasida ham kelib chiqadi. Nevrozlarda bosh miya po'stlog'i va po'stloq osti tugunlarining faoliyati buziladi. Nevrozlarning quyidagi alomatlari bor: 1.Astenik alomat - asab va ruhiyatning zaiflashuvi, toliqishi. Juda ko'p kasalliklardan keyin va sog'lom odamlar charchaganda, toliqqanda astenik alomat kuzatiladi. Bunda bosh og'riq, bosh aylanish, ko'ngil aynish, serjahillik, yurak sohasida og'riq, tez charchab qolish, xotiraning susayishi, mehnat qobiliyatining pasayishi va kayfiyatning buzilishi bo'lib turadi. Bemorlarning uyqusi buziladi, uyqusi yuzaki tezda uxlab qolmaydi. Ko'p o'ylaydilar, uyqudan turgandan keyin karaxt bo'lib turadilar. 2.Obsessiv alomat - miyadan ketmaydigan holatlar. Bunda bemorlar qilgan ishlarini qayta-qayta tekshirib yuradilar. Masalan: eshik qulflanganmi yoki yo'qmi?, gaz o'chirilganmi yoki yo'qmi? deb bezovta bo'lib yuradilar. Bemorlarning miyasiga qo'rqinchli, vahimali narsalar o'rnashib qoladi va ulardan qutulish choralarini ko'p o'ylab yuradilar. 3.Fobik alomat - bunda bemorlar biror narsalardan qo'rqib yashaydilar. Kardiofobiya - yurak kasali bo'lib qolishdan qo'rqish, lissofobiya - ruhiy kasal bo'lib qolishdan qo'rqish, gipsofobiya - balandlikdan qo'rqish, ...