Odam va uning paydo bo'lishi. Irqlar va ularning kelib chiqishi. Inson genetikasi. Sog'lom hayot tarzi

Odam va uning paydo bo'lishi. Irqlar va ularning kelib chiqishi. Inson genetikasi. Sog'lom hayot tarzi Reja: Odam va uning paydo bo'lishi. Irqlar va ularning kelib chiqishi. Inson genetikasi. Sog'lom hayot tarzi. Insonning sog'lom hayot tarzi. Evolyutsiya davomida borgan sari tirik organizmlarning taraqqiyoti va tashqi muhitga moslanish darajasi orta borgan. Bu esa o'z navbatida erkin harakat qilish qobiliyati mavjud organizmlarning markaziy nerv sistemasini asta-sekin yuksak darajada taraqqiy etishiga undagan, yuksak taraqqiyot darajasidagi tirik mavjudotlar (xususan primatlar)da surunkaviy mehnat faoliyati tufayli odamning ilk ajdodlarida barcha tirik mavjudotlardan tubdan farq qiladigan oliy nerv faoliyatini shakllanishiga sabab bo'lganligi haqida ma'lumotlar mavjud. Inson bu rivojlanish darajasiga o'tgandan so'ng ijtimoiy ong va ijtimoiy zaruriy mehnat faoliyatiga ega bo'lganda u toza biologik faoliyatidan farqli ravishda faoliyatning yangi shakllari, ibtidoiy odam yoki inson rivojining ilk davrida bajarish imkoniga ega bo'lmagan yangi va yangi jarayonlarni idora qilish, tabiat injiqliklarini bartaraf etish, tabiat va tabiiy zahiralardan foydalanishning zamonaviy uslublarini yaratish imkoniga ega bo'ldi. Hozirgi kunda inson tabiatda mavjud barcha real va potentsial zahiralardan foydalanish, uni o'zgartirish imkoniga ega. Shunday ekan, hozirgi zamon kishisi tabiat qonuniyatlariga rioya qilgan holda undan foydalanishi zarur, aks holda yuqorida eslatilganidek, inson hayoti uchun xavfli krizis sodir bo'lishi, uning salomatligiga, kelgusi taraqqiyotiga salbiy ta'sir ko'rsatishi va hatto uning tirik mavjudotlar tarkibida tur sifatida tubdan yo'q bo'lib ketishi mumkin ekanligi haqida ma'lumotlar mavjud. Sog'liq. Insonning salomatligiyu xastaligini faqatgina tor biologik nuqtai-nazaridan tahlil etmaslik kerak. Chunki, sog'liq faqat biologik xislatlar emas, balki shaxsning holatiga, uning murakkab sotsial sifatiga bog'liq. Umumjahon sog'liqni saqlash tashkilotining nizomida sog'liq «bus-butun jismoniy, ma'naviy ...