O't pufagi va jigar meridianlarining tavsifi, qo'llashga ko'rsatmalar

O't pufagi va jigar meridianlarining tavsifi, qo'llashga ko'rsatmalari Reja: 1. O't pufagi va jigar meridianlarining tavsifi. 2. Shu meridianlarning topografiyasi. 3. Jigar Meridiani (F) Shu meridianlarning asosiy simptomlari va patologik holatlari. 4. Meridianlarning standart nuqtalari. O'T PUFAGI MERIDIANI (VB) Meridian funksional tizimiga xususan o't pufagi va qisman jigar kiradi. Meridian juft va simmetirik bo'lib, yan tizimiga mansub. Enegiya harakati - markazdan qochuvchi. Energiyani uch isitkich meridianidan olib jigar meridianiga uzatadi. Eng faol davri - soat 23 dan 01 gacha. Meridianda 44 ta ta'sir nuqtasi bor. Meridian ko'zning tashqi burchagidan 0,6 sm masofadagi VB-1 (tun-szi-lyao) nuqtasidan boshlanib pesxona burchagiga ko'tariladi, keyin quloq suprasini orqasidan aylanib yumshoq qismigacha tushadi, shundan so'ng yana yuqoriga - chakka sohasiga qaytadi. U yerdan ko'z kosasi o'rta chizig'i bo'ylab ensa suyagining pastki qirrasiga yo'naladi va keyin bo'yining yon yuzasi va yelka orqali o'tib, oldingi aksillyar chiziqqacha boradi. So'ngra tananing yon tomoni bo'ylab ko'krak, qorin, yonbosh suyagi qirrasi va son suyagining boshiga, undan keyin son va tizza yonlaridan o'tib, kichik boldir suyagi tomonidan oyoq panjasi ustki tomoniga o'tadi. Meridian oyoq panjasining IV va V suyaklari oralig'idan o'tib, IV barmoqning tirnog'i ildiziga tashqi tomondan 0,3 sm yetmasdan VV-44 nuqtasida yakunlanadi. Meridian VV-21 (szyan-szin) nuqtasida tananing uch qismi meridiani bilan kesishadi. Birinchi shoxlanishi so'rg'ichsimon o'siq sathidan boshlanib, quloq ichiga kiradi va so'ngra ko'zining tashqi burchagiga boradi. Bu yerdan pastga - E-5 va E-6 nuqtalariga tushib, bo'yin orqali o'tib, o'mrovusti chuqurchasidagi asosiy mushak bilan bog'lanadi. Shu joyda asosiy chiziqdan shoxlanib pastga - ko'krak qafasi hamda diafragma orqali o'tib, jigar meridiani bilan ...