O'tkir respirator infeksiyalar

O'tkir respirator infeksiyalar Reja: Gripp Patogenez va patologik anatomiyasi Paragripp Adenovirus infeksiyasi Respirator - sintsitial infeksiya Rinovirusli infeksiya Parranda grippi Odamdagi parranda grippiga xarakteristika Odamdan odamga yuqishi haqida Profilaktikasi. O'tkir respirator kasalliklar (O'RK) - etiologiyasi jihatidan turli, klinik belgilari jihatidan umumiyligi ko'p bo'lgan kasalliklar guruhidir. Bu kasalliklarning ko'pchiligini viruslar qo'zg'atadi. Gripp, paragripp, adenovirus kasalligi, rinovirus kasalligi, respirator - sintsitial infeksiya, mikoplazma infeksiyalari va boshqalar O'RK guruhiga kiradi. Statistik ma'lumotlarga qaraganda yer yuzida har yili 40 mln. ga yaqin odam O'RK bilan kasallanadi. Har yili kasallik tufayli yo'qotiladigan ish kunining 15-20% i shu kasalliklarga to'g'ri keladi. Epidemiya vaqtlarida korxona xizmatchilarning 30-80%i ishdan qoladi. Buni iqtisodiy jihatdan qaralganda bitta epidemiyaning o'zi bizning davlatimizni o'zida 2-3 mlrd. so'mga teng bo'ladi. AQSHda esa 2-5 mlrd. dollar zarar keltiradi. O'RK da epidemiologik hamda klinik o'xshashliklar bo'lishi bilan birga har bir kasallikda o'ziga xoslik bor. GRIPP Gripp - o'tkir virusli kasallik bo'lib, u umumiy zaharlanish belgilari, tana haroratining ko'tarilishi, yuqori nafas yo'li, yurak qon-tomir va asab sistemasining zararlanishi kabi alomatlar bilan tavsiflanadi. Tarixiy ma'lumotlar: Gripp fransuz so'zi bo'lib - changallash yoki egallash degan manoni bildiradi. Gripp haqida birinchi asoslangan ma'lumotni 1403 yili Yevropadagi epidemiya vaqtida fransuz olimi Eten Paske keltirgan. 1580 yilda birinchi pandemiya kuzatilgan. Bunda kasallik juda keng tarqalib, ayniqsa Parij, Rim, Madridda juda ko'p odam halok bo'lgan. XIX asr oxiridan boshlab insoniyat o'z boshidan 4 ta gripp pandemiyasini o'tkazadi: 1918-1920 yillaridagi pandemiya (ispanka) da 20 - 50 mln. ortiq 1957-59 yillardagi pandemiya («Osiyo grippi») da 1 mln.dan ko'p odam halok bo'lgan. AQSHning o'zida bu ...