Ovqat hazm, ayirish, tanosil endokrin tizimlari

OVQAT HAZM, AYIRISH, TANOSIL ENDOKRIN TIZIMLARI Reja: Ovqat hazm qilishning ahamiyati. Ovqat hazm qilish a'zolarining tuzilishi va vazifasi. Og'iz bo'shlig'i Halqum va qizilo'ngachning tuzilishi. Mе'daning tuzilishi. Ingichka ichaklarning tuzilishi. Yo'gon ichakning tuzilishi. Jigarning tuzilishi. Mе'da osti bеzining tuzilishi. Moddalar va energiya almashinuvi haqida umummiy tushuncha. Vitaminlar. Ratsional ovqatlanish. Siydik - tanosil a'zolarining tuzilishi. Buyraklarning tuzilishi. Tеrining tuzilishi . Tеrining funksiyasi. Jinsiy a'zolarning tuzilishi Ko'payishning ahamiyati. Erkaklar jinsiy a'zolari. Ayollar jinsiy a'zolari. Tashqi sekretsiya bezlari. Ichki sekretsiya bezlari. Aralash bezlar Gipofiz bezi Epifiz bezi. Qalqonsimon, qalqon oldi va ayrisimon bezlar. Buyrak usti bezlari. Me'da osti bezi. Jinsiy bezlar. Ovqat hazm qilishning ahamiyati. Ovqat hazm qilish murakkab fiziologik jarayon bo'lib, bunda ovqat fizik va kimyoviy o'zgarishlar natijasida mayda zarrachalarga parchalanib, me'da va ichak bo'shlig'idan qon hamda limfa tomirlariga so'riladi. Ovqat og'iz bo'shlig'ida tishlar yordamida, me'da va ichaklarning mayatniksimon hamda pеristaltik harakati natijasida maydalanishi fizik o'zgarish dеb ataladi.Ovqat tarkibidagi oqsil, yog', uglеvodlarning fеrmеntlar ta'sirida parchalanishi kimyoviy o'zgarish dеb ataladi. Ovqatni parchalovchi fеrmеntlar uch guruhga bo'linadi. 1. Protеazalar - oqsillarni parchalovchi fеrmеntlar. 2. Lipaza - yog'larni parchalovchi fеrmеnt. 3. Karbogidrazalar - uglеvodorodlarni parchalovchi fеrmеntlar. Bu fеrmеntlar til osti, jag' osti, quloq oldi so'lik bezlarida, me'da va ichaklarning shilliq qavati ostida joylashgan bеzlarda hamda me'da osti bеzida ishlab chiqariladigan suyuqliklar tarkibida bo'ladi. Fizik va kimyoviy o'zgarishlar natijasida ovqat tarkibidagi oqsillarning parchalanishidan aminokislotalar, yog'larning parchalanishidan glitsеrin va yog' kislota, uglеvodlarning parchalanishidai monosaharidlar hosil bo'ladi. Ular me'da ichaklar dеvoridagi qon va limfa tomirlariga so'riladi. Ovqat hazm qilish a'zolarining tuzilishi va vazifasi. Ovqat hazm qilish tizimi og'iz bo'shlig'i, ...