Ovqat toksikoinfeksiyalari

Ovqat toksikoinfeksiyalari Reja: Etiologiyasi. Epidemiologiyasi. Patogenez va patologik anatomiyasi Profilaktika Botulizm Patogenezi va patologik anatomiyasi Klinik tasnifi Tashxisoti va qiyosiy tashxisoti Profilaktikasi Ovqat toksikoinfeksiyalari-bakteriya va ularning zaharlari bilan ifloslangan ovqat mahsulotlari istemoli natijasida kelib chiqadigan o'tkir ichak infeksiyasi bo'lib, klinik -qisqa muddatli junjikish, harorat ko'tarilishi, gastroenterokolit natijasi toksikoz va suvsizlanish belgilari bilan tavsiflanadigan kasallikdir. Etiologiyasi. Toksikoinfeksiyalarning qo'zg'atuvchilari enterokoklar, proteus vulgaris, entrotoksin ishlab chiqaradigan stafilokokk va streptokokk shtamlari spora hosil qiladigan anaeroblar, «Bakterium cereus», galofil vibrionlar «vibrio parahaemeolitucus» va boshqalar hisoblanadi. Ovqatdan zaharlanishga sabab bo'ladigan tilla rang va oq stafilokokk dumaloq, kattaligi 0,8-1 mkm to'da -to'da bo'lib ko'rinadi. Ular harakatsiz, spora va kapsula hosil qilmaydi. Grammusbat hamma anilin bo'yoqlari bilan bo'yaladi. Yuqori haroratga chidamli termostabil, enterotoksin ishlab chiqaradi. Enterotoksin kimyoviy va fizik ta'sirlarga juda chidamli bo'lib qaynatilganda 1,5-2 soat, 120 darajagacha qizdirilgan avtoklavda esa 20 minutdan keyingina faolsiz holga keladi. CL. perfringens 7-8 x 1-2 mkm kattalikdagi tayoqchasimon mikrob bo'lib harakatsiz, tashqi muhitda spora hosil qiladi. Yuqorida qayd qilingan mikroblar toksikoinfeksiyaga sabab bo'lgan deb xulosa chiqarishdan oldin klinik, epidemiologik, bakteriologik, serologik tekshiruvlar natijasiga suyangan holda salmonellyoz, ichburug', vabo to'g'risida o'ylab ko'rish lozim. Epidemiologiyasi. Ovqat toksikoinfeksiyalarining o'ziga xos xususiyati kasallikning bemor kishidan sog' odamga o'tmasligidir. Ovqat toksikoinfeksiyasini manbai bemor odam va hayvonlar yoki bakteriya tashib yuruvchilardir. Yiringli kasalliklar piodermiya, panaritsiy, furunkul, anginalar, zotiljam, paradontoz bilan og'rigan odamlar stafilokokk qo'zg'atadigan toksikoinfeksiyaga sabab bo'ladilar. Mastit bilan kasallangan sigirlar, echkilar ham infeksiyaning xavfli manbai bo'lib hisoblanadi. CL. perfringens, Bakterium cereus, proteus vulgaris mirabili tashqi muhitda (tuproqda, suv, ho'l meva va sabzavotlarda ) keng tarqalgan bo'lib ...