O'zbekiston hududidagi tibbiyotda mikroskop kashf qilingandan keyingi davrda gistologiya fanining shakllanishi va rivojlanishi

O'zbekiston hududidagi tibbiyotda mikroskop kashf qilingandan keyingi davrda gistologiya fanining shakllanishi va rivojlanishi (1920 - 1960 yy.) Reja: O'rta Osiyo Davlat Universitetida gistologiya kafedrasining tashkil etilishi O'zbekiston hududidagi tibbiyot institutlarida gistologiya kafedralarining tashkil etilishi, ilmiy yo'nalishlar va ilmiy kadrlar tayyorlash O'rta Osiyo Davlat Universitetida gistologiya kafedrasining tashkil etilishi 1920 yilning 7 sentyabrida Toshkentda O'rta Osiyo Davlat Universiteti tashkil etilib Universitetda bir qator kafedralar faoliyat ko'rsata boshlagan, ular qatoriga gistologiya kafedrasi ham kirgan. Aslini olganda, 1918 yilda Toshkentda Oliy Tibbiyot maktabi ochiladi. Maktab rahbariyati va ayrim kafedralar hozirgi Xorazm ko'chasidagi binoda joylashadi. Oliy maktabning klinikasi kadetlar korpusida (hozirgi Jukovskiy ko'chasidagi kasalxona) joylashgan. Shu vaqtda Turkistonda mahalliy hukumat tomonidan Davlat Universiteti ochishga tayyorgarlik ko'rilmoqda edi. 1920 yilda ochilgan Davlat Universitetining tibbiyot fakulteti shu oliy tibbiyot maktabi asosida tashkil etiladi va 1921 yilda Universitetni 20 talaba bitirib chiqadi. Oliy maktabning birinchi bitiruvchilari orasida mahalliy kadrlardan ToshDavTI gistologiya kafedrasida assistent, keyin terapevt bo'lib ishlagan Sobiq Ittifoq Akademiyasining muxbir azosi, olima, professor Z. I. Umidova ham bo'lganlar. Gistologiya kafedrasini tashkil etish og'ir bir sharoitda kechib, o'quv darsliklari, jihozlar hamda ko'rgazmali qurollar etishmasdi. Bunday bir sharoitda kafedrani rivojlantirish, o'quv ishlarini yo'lga qo'yish jarayoni bosqichma-bosqich olib borilgan. K. A. Zufarovning 1970 yilda yozishicha, «Birinchi bosqich o'quv jarayonini tashkil qilish, o'qituvchi kadrlarni tayyorlash muammosi dolzarb masala hisoblanardi. Ikkinchi bosqich esa, oliy o'quv yurtida milliy kadrlarni tayyorlash bo'lib, mazkur vazifalarni amalga oshirish katta mehnat va ko'p vaqtni talab qilar edi». O'rta Osiyo Davlat Universiteti tibbiyot fakultetini birinchi tashkilotchilari Toshkentga kelgan Moskvalik professorlar P. P. Sitkovskiy, K. G. Xrushov, A. ...