Parrandalarning yuqumli kasalliklari

Parrandalarning yuqumli kasalliklari Reja: Parrandalarning kolibakterioz (pulloroz) kasalligining sabablari, klinik belgilari, diagnozi, davolash va oldini olish choralari. Parrandalarning chechak - difterit kasalligining sabablari, klinik belgilari, diagnozi, davolash va oldini olish choralari. Parrandalarning Nyukasl kasalligining kelib chiqishi, klinik belgilari, diagnozi, davolash va oldini olish choralari. Tayanch iboralar: Kasallik ta'rifi, qo'zg'atuvchi, iqtisodiy zarar, patogenez, klinik belgi, diagnoz, davolash, oldini olish va x.k. Parrandalarda uchraydigan yuqumli kasalliklarni qo'yidagi guruhlarga bo'lish mumkin; Ularda viruslar - Yevropatouni, Nyukasl kasalligi (Osiyo touni), yuqumli laringotraxent, chechak-difterit, leykoz, Marek (nekrolimfamatoz), yuqumli bronxit, o'rdak jo'jalarining virusli gepatiti, gripp kasalligi, yuqumli entsefalomielit, ornitoz kasalliklarini qo'zg'atadi. Bakteriyalar parrandalarda salmonellyoz, pasterellyoz, tuberkulyoz, soxta tuberkulyoz, respirator mikroplazmozi, kurkalarning yuqumli sinusiti, jo'jalarda anaerob diareya, streptokokkoz, stafilokokkoz, kolibakterioz, Aisterid, tovuqlarda vibrionli infeksiya, g'oz inflyuensiyasi, septitsemiyasi, leptospiroz, botulizm, tulyaremiya kasalliklarini qo'zg'aydi. zamburug''lar qo'zg'aydigan kasalliklarga aspergillyoz, kandidamikoz, parsha, fuzariotoksikozlar kiradi. Shunday qilib, parrandalarda uchraydigan infeksion kasalliklar soni juda ham ko'p. Bularning xo'jalikka bo'lgan xavflilik darajasi bir xil emas. Parranda kolibakteriozi (pulloroz) - Bu infeksion kasallik bo'lib, ichak tayoqchalarining (Yesherixia koli) patogenli serotiplari tomonidan qo'zg'aladi. Kasallik parrandalarda ichak, yurak, jigar hamda havo xaltachalarining zararlanishi, tana haroratining ko'tarilishi, nafas olishning qiyinlashishi bilan namoyon bo'ladi. Tarqalishi - So'nggi yillarda parrandachilikning rivojlanishi bilan parranda kolibakteriozi juda keng tarqalmokda. Kasallik faqat oshqozon-ichaklarni emas, balki nafas a'zolari, yurak qontomir tizimlarini ham zararlaydi. Kasallikning rivojlanishida har xil omillar - parrandaxonadagi mikroiqlimning yomon bo'lishi, sifatsiz, noto'liq (vitaminning yetishmasligi) oziqlantirish ta'sirida parranda organizmi rezistentligining kuchsizlanishi, shuningdek, mikoplazmoz, yuqumli bronxit va boshqa kasalliklar bilan birga zararlanishi katta ahamiyatga ega. Iqtisodiy zarari - Kolibakterioz parrandachilik, ayniqsa broyler ...