Pediatrik dori turlarini texnologiyasini takomillashtirish

Pediatrik dori turlarini texnologiyasini takomillashtirish Reja: 1.Bolalar amaliyotida qo'llaniladigan dorilarni korrigirlashda zamonaviy yondashuv; 2. Dorilarni noxush organoleptik xossalarini bartaraf etishning texnologik usullari; 3. Korrigentlarni ta'rifi, tasnifi, qo'yilgan talablar; 4. Korrigentlarni bolalarga mo'ljallangan dorilarda qo'llash asoslari Bolalar amaliyotida qo'llaniladigan dorilarni korrigirlashda zamonaviy yondashuv UJSST (VOZ) ma'lumotiga ko'ra hozirda pediatriya etarli maxsus bolalar uchun mo'ljallangan dorilar bilan ta'minlanmagan. 75% bolalar kasalliklari uchun maxsus pediatrik dori turlari ishlab chiqilmagan. Undan tashqari dorilarni bolalar amaliyotida xavfsiz qo'llash bo'yicha ma'lumotlar etarli emas. Yangi preparatlarni bolalar amaliyotida qo'llash bo'yicha klinik sinovlar to'g'risida ma'lumotlar etarli darajada emas. Sh.u. shifokorlar tomonidan, ko'p holatlarda, bolalarga kattalarga mo'ljallangan dorilarni qo'llash keng tarqalgan. Lekin bu kata xavf tug'diradi, ayniqsa yangi tug'ilgan chaqaloqlar va 1 yoshgacha bo'lgan bolalarda. UJSST ma'lumotiga ko'ra yosh bolalarga buyuriladigan dori preparatlarning 45%-statsionarda va 10-20% ambulatoriyada maxsus shu yoshga mo'ljallanmagan. Sh.u. bolalarni kattalarga mo'ljallangan preparatlar bilan faqatgina dozasini kamaytirish yo'li bilan davolash asosiy qoida bo'lib qolgan.Ammo bu yo'l xato, chunki dorining faqat dozasini kamaytirib berish turli patologiyalarga, ayrim xollarda o'lim holatiga sabab bo'ladi. Sh.u. bolalarga mo'ljallangan maxsus dorilarni yaratish- dolzarb muammo va shu muammoni echilishiga etarli etibor berilmaydi. hozirda Respublikamizda shu masala chetdan keltirilgan bolalar uchun mo'ljallangan dorilar ( siroplar, granulalar va sh .o') bilan qisman echiladi. Dorilarni noxush organoleptik xossalarini bartaraf etishning texnologik usullari Bolalarga mo'ljallangan peroral, ayniqsa suyuq dori turlarida, dorilarni salbiy organoleptik xocsalari ko'proq seziladi. Shuning uchun bolalar uchun peroral dori turlarini yaratishda shu muhim masalaga etibor berilish lozim. Pediatriya amaliyotida dorining tami, xidi, rangi katta ahamiyatga ega. Yosh bolalarning noxush tamga sezgirligi yuqori bo'ladi, ...